衝上雲霄 Sam Vincent一齊睇啟德既地方在哪？

果度叫格仔山! 喺九龍仔公園裏面

九龍仔
九龍仔響香港新九龍嘅一個地方，處於九龍塘同九龍城之間。九龍仔原本係一條村，即係今日禧福道一帶，家下全個地方都係低密度住宅區，同九龍塘住宅區連埋，所以好多人都誤以為呢帶係九龍塘。佢東北有座山，後尾劃咗做九龍仔公園。九龍仔公園東北角有座山叫老虎岩，亦都畀人改花名做九龍仔山/格仔山，個山東北面就係樂富邨。

九龍仔山
九龍仔山畀人叫做格仔山，係同啟德機場有關嘅。九龍仔原本係一座山頭，1950年代，啟德機場跑道要伸長，咁啱呢個山頭位響13跑道降落航道。為咗安全，部份山頭就剷平，沙石就用來填九龍灣起跑道，淨返就起九龍仔公園。
而九龍仔山就係呢個山頭嘅東北角，係去啟德機場13跑道降落航道必經之路。啟德機場嘅儀標導航系統會將飛機引向九龍仔山，再由機師將飛機轉灣做目視降落。由於要引導機師將飛機行啱路綫，九龍仔山就油咗紅白格仔，起埋導航燈同埋無線電導航設備。咁因為紅白格仔好搶眼，香港人就索性佢做格仔山。
1998年啟德機場閂門大吉之後，格仔山就油到灰色重種埋樹，以免誤導機師。




圖片參考：http://upload.wikimedia.org/wikipedia/commons/thumb/2/27/Kowloon_Tsai_signal_hill.JPG/300px-Kowloon_Tsai_signal_hill.JPG


九龍仔公園一球場，後面係九龍仔山，因油咗格仔圖案引飛機降落，所以亦叫格仔山