**狗主注意**銅鑼灣景隆街懷疑黑店!!!!!!!!!!!!!!

我六月係呢間黑店買左toy poodle, 番屋企第二天就已經出現嘔吐,肚痾同冇胃口，我打去問寵物店個老闆，佢就話係因為狗ＢＢ未適應新環境，不停講Ｄ無呢頭既理由。第三天狗ＢＢ冇晒精神，我番番下工走回家接狗ＢＢ到寵物店，當時我請店員帶狗ＢＢ睇醫生，因為我要番工就交左俾佢。之後同日４點鐘，我打去問個老闆娘，佢話狗ＢＢ有精神不用睇醫生仲話佢地會俾藥隻狗食，我同男朋友商量後打算攞番狗ＢＢ自行帶狗狗睇醫生，５點鐘打去寵物店同老闆講我放工後會取回狗ＢＢ，個老闆就即刻話佢個員工剛剛帶左狗ＢＢ出去睇醫生，我叫佢等埋我都唔得，我就覺得有Ｄ唔對路。之後佢話狗狗只係普通傷風咳食一星期抗生素就冇事架啦。跟住我過幾日，就去左旅行，佢就話幫我揍住先等我一番香港就可以帶番狗ＢＢ回家。

回港第二日我接回狗ＢＢ，這是他第二次回家，當時我滿心歡喜，狗ＢＢ沒有異樣，點知到第四天又再出現嘔吐,肚痾同冇胃口，所有之前既病症都出晒，我就即時帶狗ＢＢ睇醫生，醫生驗出狗ＢＢ係腸炎，個結果仲要係Strong positive，醫生話好番只有５０／５０，跟住狗ＢＢ要即時吊鹽水同留醫。我打去寵物店個老闆仲話愛協既醫生係唔識醫狗，推三推四。佢仲話醫藥費唔會俾。我狗ＢＢ終於係第六日敵不過腸炎，睇住佢好辛苦咁離開人間。醫生同我講狗ＢＢ是在狗店感染腸炎的，我好唔開心，因為他是一條無辜的小生命。

這些無良既黑店賣病狗，害死了很多無辜既小生命，仲有令到我地呢班消費者不單損失金錢，時間，最重要係對狗ＢＢ的感情創傷。

你打算點做呀？

2008-08-05 22:56:39 補充：
你退了錢未呀？隻狗狗宜家點？

腸病毒到痾血就好難醫番,有時仲會有心肌炎發生,我隻poodle都有過，不過未到佢痾同嘔已經覺得吾妥，即刻去睇醫生，救左佢條小命，得２－３個月的狗仔真係比較難，個陣我隻狗都５個幾月，如果你隻狗有２個月，應該打左一支針，但係一支針吾夠扺抗病毒，加上有潜伏期，應該係狗店就感染到，加上佢應該有皮膚病，去消委會投訴啦！！

我朋友都有試過！係銅鑼灣景隆街買狗！你有冇留返Ｄ收據(買狗單及睇醫生)呀！去消費者委員会問吓應該會受理！我朋友就成功退錢！