✔ 最佳答案
A.洗咁多次,又有用牙膏去洗,除非洗得好求其,如果唔係既話,應該就唔會將細菌傳俾下一隻鼠另外想問下,之前既鼠係因咩而死?留意返鼠鼠既死因,會對日後既鼠有幫助
B.小紫王既個性係比小灰霸溫馴,當然都會有個別鼠鼠係例外
而且要留意,對待鼠鼠既方法都好影響到鼠鼠既表現,如果太急要同鼠鼠熟,又或令鼠鼠受驚,鼠鼠怕人,就好易會咬人去保護自己,咁就會令人覺得唔溫馴
想同鼠鼠玩一定要俾多D耐性,鼠鼠買返唻既初時,頭兩日唔好打擾佢,再試下以下方法同鼠鼠建立關係:(耐左都同鼠鼠唔熟,都可以試下做)
a)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
b)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
c)再熟d再試下俾野佢食既摸下佢頭or身
d)佢都唔抗拒之後,可將食物放在手心,等佢行上唻食,慢慢佢會習慣左你既手
e)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱,抱之前記得先輕聲叫下鼠鼠先
C.5.5既轉輪係指5.5吋既直徑?係既話SIZE冇問題,轉輪太大太細都唔係咁好既
轉輪仲要留意跑既地方會唔會有隙(地板樓梯都係),如果有隙好易卡住鼠鼠既腳