未婚懷孕．．雙方家長應點做！！！

如果妳屋企人係咪！我覺得妳最小應該同個男仔注册先等佢地安心！唉養倒個女咁大,當然不想見倒個女咁！你想下如果倒轉你做父母,你係佢角度想下！（注册啦！）我個人覺得可以比左禮金先(幾多真係好難講,除心一萬幾千都要,我估妳屋企人都係要呢Ｄ,咪當同男家借,第時努力Ｄ做野還返）,但其他e.g.酒席,過禮等等一Ｄ傳統既禮節,就等BB出左世先算！過多幾年都可以！妳去問下妳屋企人,男既就問下佢屋企人！我相信你地年紀都好細,又無準備,所以好多野只好見步行步！！件事快Ｄ解決,等Ｄ老人家安心！你就可以安心生ＢＢ....不過........如果你真係好吾想注册.都無你辦法！但B出世後都要比個名份呀Ｂ.注册可能都係遟早既事！可能而家係早左,但你係愛呢個男人,遟早都會嫁佢架啦！係你地做錯事在先,吾可以話人！！我相信所有都係想關心同緊張你！用放鬆既心情面對！祝妳一家三口生活愉快！

既成事實只有結婚是最佳解決辦法,唔想因為有左bb而結婚,是任性講 法,年紀細未啱時候????????咁點解唔做足避孕方法呢,你要諒解父母心情,他們看著你肚子越來越大,親朋好友,街坊鄰里的好奇探問,難道你要他們答覆女兒肚子是大了,但不打算結婚來回應人家嗎?

有冇想過唔結婚,日後BB出生是否你個人可以湊大佢,還是交付自己父母/男朋友父母湊,養一個BB所需心血,金錢,時間,不是三言兩語可以形容,你屋企人的想法未嘗不對,冇可能就白白幫人家生兒育女.

簡簡單單兩家人吃餐飯,註冊結婚了結雙方父母心願,便皆大歡喜了!

你屋企人都係唔想您做"未婚媽媽"姐....第時你mami/daddy d親戚朋友問起....佢地都係唔想同人講: "哦...我個囡未結婚嫁...." 貪好聽咩??

至於你男朋友屋企人嗰邊...佢地除咗有煲湯俾您飲之外, 仲有冇其他表示??? 定係諗住唔聲唔聲等你生完就算呀???

止終係女仔,唔好咁蝕底...如果唔係咩特別原因唔可以結婚住, why唔可以註冊先呀???

如果你唔係好高要求, 註冊幾百蚊就搞掂....我覺得, 如果你男朋友肯的, 不如簡簡單單註咗冊先, 擺酒嗰d...可以生完先再講....(因為可以滿月+結婚酒一齊擺嘛, right?)

你要同你既家人解釋清楚你同男朋友有bb之後既計劃,
而且你既bb唔係幫人生既,喱個係你自己既骨肉呢
你係未真係因為唔想因為bb而結婚呢?定係你根本未夠愛佢?
咁點解你要同佢搞到有bb呢!
既然男家既人都清楚你同男朋友既事,而佢地肯煲湯比你飲
即係佢地都願意接受你啦~既然有左bb就唔應該再拖
你點都要向bb出世之前有決定~而男朋友肯同你結婚,亦唔代表
佢係因為bb呢,可能佢真係好愛你啊!
你一定要令你家人知道,你地既事,始終係你兩個要自己面對既
唔係佢地,就算要得到d咩,都只係你應該得到,而唔係你既家人
你得到既,唔一定要分比佢地,而佢地亦唔應該因為咁而得到d咩野
因為喱件事係你地兩個自己搞出黎既,就得自己負責任啊

我都贊成你地結婚啊~始終你地已經米已成吹了,而且你地相愛呢
但係希望你既一生,不要只為家人,這是你決定日後生活的機會啊~

走死!!!!企人都知道我有左ＢＢ．佢地都有煲湯俾我飲！！
而家最煩既係我屋企人話我唔可以蝕底俾人．．話就算唔結婚．男家都一定要做返Ｄ野．．冇可能就咁幫人家生仔．．
我屋企人好似想暗示要得到Ｄ咩咁．．．好煩呀希望有人可以幫到