請教二日一夜廣島遊 20點

人人去廣島都係去睇原子彈爆炸紀念館同和平公園， 你可以在 8月8日去。
http://www.welcome2japan.hk/location/regional/hiroshima/heiwakinenkoen.html
如果你怕睇原爆慘狀， 就去和平公園同廣島城。
市內有輕鐵， 好容易搭。 但你剛搭完夜行巴士， 除非你好爛瞓， 因為唔會瞓得好， 要聽鼻鼾聲， 可能要聞臭腳， 所以你有房就去休息先。
如果你第二日真係有精神， 我建議你去宮島，宮島係世界文化遺產好值得去，
由廣島車站搭火車去宮島口， 再搭船過海去宮島。
http://www.welcome2japan.hk/location/regional/hiroshima/itsukushimajinja.html
上面個網大鳥居同嚴島神社照片顏色很差（倒米）， 實在睇係好靚嘅， 如果你真係去， 可以就啱潮退時間行出去， 因為潮漲時間係會浸住嘅。
下面兩張相就係真實情形， 你進入嚴島神社時， 手上不要拿著食物， 因為有很多鹿， 連你褲袋的紙都會拉出來吃。
http://www.japan-guide.com/e/e3450.html
根據下面嘅潮水漲退時間表， 8月9日潮退時間係早上 8點半同晚上8點半， 如果你在早上九點左右去到， 就可以行出去大鳥居。
http://www.miyajima.or.jp/sio/2008aug.pdf
如果有人同埋你去， 記得影相， 要成個鳥居都影到。不過你會行到成鞋泥。
到咗下午一點半， 潮水漲到最高， 你就會睇到大鳥居同嚴島神社都浸在水中。中間嘅時間你可以去表參道， 有全世界最大的飯殼， 街邊有燒蠔食，不過都幾貴。你又可以搭纜車上彌山， 上面有好多猴子。睇完潮漲你就可以番廣島，去行下街， 雖然仲有一個地方很值得去， 係錦帶橋， 不過我唔知你鐘唔鐘意睇風景， 如果有興趣， 可以睇下面我答嘅問題。
http://hk.knowledge.yahoo.com/question/question?qid=7008071401630

可以去參觀下廣島城、廣島神社
午餐可以吃廣島燒