在法庭發誓, 有公式 ! 向女朋發誓話我好愛佢, 咁要點樣講發誓架 ?

唔駛發誓咁骨痺呀嘛~~~同佢求婚就話啫~~~唉~~題外話~~入正題~~

發誓應有元素:
1.誠意
如何顯示你的誠意係發誓最基本的要素,若果誠意欠奉,你的發誓就頓時發霉~~~令人噁心~~~
點先至睇到誠意的存在,親手做小禮物,又或者先安排一些會令對方開心的節目,唔一定要駛錢,但會顯示到你對佢的關懷和愛護.
2.深情
要用深情的目光看著對方,就算對方走到老遠都要視線不離佢身上,用意證明你心裡只有佢,要學會常拖住對方的手,俾對方多一點安全感
3.語氣溫柔而明確
溫柔呢家野男人平時少做,但一係唔做,一做效果可能重大過你日日做,所以男人的溫柔係唔可以輕視的,唔係叫你講野陰聲細氣,而係唔好呼呼喝喝加一點幽默感和諒解就已經夠好,加上你說話唔好吞吞吐吐,顧左又顧右咁都唔講呢重男人最令女士們不耐煩.
4.要來個驚喜
在之前的種種元素準備好之後這只係蘊釀情緒的準備,發誓先係戲肉,俾個出奇不意的驚喜好重要,唔好驚對方會拒絕你先,而係要相信對方會有耐性聽你講野,呢個係重點.深情地看著對方的臉,(暫時唔好注意對方臉上的痘痘而係注意對眼)鼓起勇氣,對佢講,以下對白好緊要,請你用最自然溫和的語氣講,千期唔好口窒~~

以下係你要對佢講的對白:(請記下)
xx(對方的名字),我知道我唔係世界上最好的男人,甚至我有時會對你唔夠好,激嬲你,對你唔夠體貼甚至忽略你,我雖然唔係最好的,但係我會將我最好的都俾你,照顧你唔會俾你唔開心,唔會令你流半滴眼淚.每日都會將你掛起我心裡面.我的心唔會離開你~~~(完)

我覺得你好愛佢時,根本就唔會雖要一句明確的"我愛你",你都會在身體的語言上,眼神和關懷上表露出黎,反而講到明只會感覺好造作~~~自然d,反而會令對方舒服一點,甜蜜一點~~