求救~diy自己番新油漆

你都已經鏟左油,咁你而加再上光油(要開松節水),再上灰,扇平之後再上油就可以,因為天花範圍比較大,所以一般都唔會用牆之寶,因為牆之寶就係已經開好既灰,係比人用一d細小既地方,唔使專登開灰咁麻煩...你天花咁大範圍,同埋已經鏟左油,就一定要上灰.開灰程序一般係用福粉/菜膠/石膏粉/凡立水/白膠槳就可以...因為之前已經有topic教人開灰,所以我都唔多講.你上完灰必須等佢乾透先可以用砂紙省灰,之後就可以上油....一幅天花做完之後平唔平~最大因素係睇你點扇灰同省灰,如果做得平滑,上完油, 出黎既效果就會好靚.

無論你是自己做或是比裝修師父做都好, 你都要知道正確的步驟及如何選擇漆油, 避免有人偷工減料等情況出現.
工序如下 :
1. 先將灰底剷除 (如須要)
2. 油防潮底漆
3. 批灰

4. 打磨平滑及淸理乾淨
5. 油啞白底漆一次

6. 油上面油便可
防潮底漆 :
司拿分為水性及油性兩類, 以油司拿較佳.
水司拿是用水稀釋.
油司拿是用松節水稀釋.
光油是用松節水稀釋,一般裝修工程都是用光油的, 因用途比司拿多.
灰料比例如下 :
菜膠35%, 福粉55%, 石膏粉5%, 光油或白膠漿5%.

程序 :
1. 先將菜膠加入光油或白膠漿攪合
2. 加入8成福粉攪合
3. 再加入2成福粉及石膏粉攪好後才加進一起攪合

注意 :
石膏粉是增加硬度.
光油或白膠漿是增加附著力.
新建造的牆是用光油, 舊牆是用白膠漿, 因附著力較好.
你亦可以到五金鋪買石膏灰或平底漿或牆之寶等, 已經溝好晒, 即開即用, 非常方便, 不過份量就有多有少, 視乎需要而定.
啞白底漆 :
啞白底漆比例:70%啞白底漆加入30%白色膠玉磁漆, 1份啞白底漆加入30%松節水攪和便可, 此比例的啞白底漆是目前最好的, 亦有防潮作用, 非常合你的須要.
漆油方面 :
至於用甚麼品牌, ICI 內有好多個牌子, 但水貨多, 巴馬士的沒有水貨, 但比較貴, 日本漆原廠日本制做較好, 市面多數是本地或大陸制做. 而菊花牌就是本地制做.
現時最好是買多功能漆油, 多功能包括有防霉, 抗菌, 防水, 特強附著力等.

如利登 ----- 價錢平, 質素好, 但少顏色選擇.
多樂士 ----- 價錢中, 質素好, 顏色多選擇.
護牆漆 ----- 價錢中上, 質素好, 顏色多選擇, 施工較繁, 合理做價應該高些.
麗明珠 ----- 價錢高, 質素好, 顏色多選擇, 施工極繁, 冇人鍾意做.
巴馬士的 ----- 價錢高, 質素好, 顏色多選擇及色彩較鮮艷, 最大缺點是貴.
日本漆 ----- 價錢高, 質素好, 防水較好, 但太結會髹時掃痕粗.
菊花牌 ----- 價錢中下, 質素好, 顏色多選擇, 施工容易, 是平價漆油中最好.
以上資料希望可以幫到你, 如再有問題或不明白請補充!