倉鼠死了>>>我真的不懂去安慰女兒!

我明白你女兒既心情...因為我都係細路 ( 13 )
我也養過倉鼠...我都有以上既經歷
那時我也有哭著說 [ 都係細佬衰，唔係佢成日拎佢泥玩，都唔會咁 ]
其實係正常既...因為接受唔到佢死...所以就會找藉口
覺得有D事先會令到佢死...我個時都係咁念

比佢靜下...佢會念架啦
因為個時好嬲...嬲完自然會自己念...我就念左幾日...
念既時候會好怪...例如食少左野...成日唔講野...好似呆呆地咁
唔好攪佢..你成日去問佢有冇事返而會冇時間比佢自己念
唔好攪佢...不過暗暗地留意佢...要扮唔在意
我唔開心既時候成日係訓既時候念...成日念到喊
唔好成日提...成日提會令佢成日記住E件事...好似平時咁就得

唔好直E個幾會罵佢 or 比教育佢...咁佢會覺得你唔重視E件事
佢會覺得 [ 係咁既時候仲要罵我...好似死左都冇所謂...
仲要拎佢泥罵我..!!! ]

其實我地E D細路睇佢地仲緊要過自己
尤其是係女仔...有野食都比佢先...為左佢比呀媽呀爸都冇所謂
同埋成日同佢地講心事...好多野話比佢地知


P.S 以上全是我的個人見解...我當事的所有感受
( 係教育方面睇我咁講係錯既...但希望真係幫到你啦 )

2008-07-26 16:37:38 補充：
哇...原來我打左咁多宇@@
念到咩打咩...打左幾多都唔知..哈哈

講返正題
可能有人覺得我咁講好過分...但我當時真係咁念...全無虛構之處

我地都有養過3隻鼠, 前年死了一隻, 最近亦死埋兩隻鼠, 前兩日同今日, 我個女咸到死, 皆因d鼠巳年老, 今日個隻重睇住佢臨終, 但之前巳有向她提過鼠之壽命, 故有話佢之可能在今年內d鼠會去世. 但佢地經常同佢玩, 感情都幾深, 所以要預早做d輔導, 等佢有心理準備. 傷心是必然. 我只同佢講, 唔好經常掛住, 要放低, 就好似讀書咁, 升咗班, 書包就要放新學年d書, 唔通仲放舊年/前年d書, 你會好辛苦, 要面對新嘅野, 但可在記憶中懷念, 要走嘅野係無得阻止.
再提一下, 如果佢可接受並想繼續養倉鼠, 就買過新嘅比佢, 但如佢太傷心, 就最好不要再養, 否則年多後又要面對咁嘅情況. 好多朋友都係養過一次後到佢百年歸老就不再養. 細路女係未識控制感情, 要多留意下佢. 平伏到就無事啦, 轉向其他興趣.

唔建議將死去既鼠埋到去公園,希望網友^^........ haha 唔好介意,其他幾項我都覺得回答得好用心:其實將屍體自行安葬係違法,就算冇人知都唔好教育下一代犯法會較好,而且屍體可能有病菌,胡亂安葬唔衛生亦有危險

近來睇過一d講小朋友成長既網站,都有提及小朋友好易會學習到推卸責任,可以試下糾正一下呢個想法,好似呢件事咁,有事就將問題話係哥哥做得唔好,我覺得可以試下努力去解釋一下點解鼠鼠會離開

2008-07-20 22:08:56 補充：
另外都有D意見希望幫到你:

A.如果問題真係哥哥做左d野令鼠鼠死亡,則可趁機會教育兩位小朋友如何愛護動物,有錯能改既話,咁鼠鼠死都係有一點價值,盡量令佢地兩個都明白知錯能改既問題(了解鼠鼠既死因,都可吸收經驗,避免問題再發生)
如果鼠鼠係自然老死,則可盡量令小朋友明白動物會有離開既時候,但如果期間有努力去照顧鼠鼠,鼠鼠可以活得好好既話,已經係好開心,正如第一位網友所講既咁,鼠鼠都唔想兩位小主人唔開心
鼠鼠死亡係令人好傷心,有咁既事唔開心係好正常,我覺得都唔洗特別去阻止,如果鼠鼠死左,一d感覺都冇反而令人擔心

2008-07-20 22:09:11 補充：
B.覺得偏心哥哥,我覺得可以了解多D點解會咁講,都需要諗下平日會唔會真係有偏心既時候,咁就可以多留意返問題
雖然有鼠鼠死左我都會感到難過,但既成事實,其實我覺得都係一個好好既機會去教育小朋友,珍惜機會,加油吧

2008-07-20 22:09:35 補充：
C.另外,如果鼠鼠死處理及留意既事可參考以下我回答既知識:
http://hk.knowledge.yahoo.com/question?qid=7008021101352
如果仲有幾隻鼠都係一齊住,希望你可考慮一籠一鼠,倉鼠係獨居動物,一籠一鼠會令鼠鼠更健康,建議一籠一鼠原因及飼養方法可參考以下我回答既知識:
http://hk.knowledge.yahoo.com/question?qid=7008050302859

意見有限字數,分開數段好難睇,抱歉!

女兒多大?有寵物離開,就藉呢個機會做生命教育哪...你可以同佢一起參與,令佢明白生命嘅歷程,唔好令佢聚焦係分離上面..有d野可以令你地關係更緊密.
1.如可以..做一個簡單嘅葬禮,你可以同佢一起到公園(偏僻些少好d),整一個小小墓碑,等小寵物安心去哪.
2.叫女兒摺紙(學),用黎懷念寵物
3.可以寫封信比寵物.讓女兒講出自己心底話.即使佢係宣洩不滿.你都唔好stop佢...
4.同佢傾下,是否想再讓,如果想,打算黠點顧佢?
5.唔好同女兒解釋偏心嘅問題,你可以直接講比女兒聽,佢有咁嘅想法,可以你本身個尺度令佢唔舒服,你都要尊重女兒嘅想法,反思下自己有無疏忽..要係佢立場想下,雖然女兒都講唔一定岩,但係關係好唔好在乎你有無用心聆聽...
6.哥哥或許都有需要改善嘅地方, 大家一起好好傾下...能民主而開放,會令大家關係有所突破..
加油>>>>>>

你奇實可以對她說﹕「不要哭，倉鼠奇實可以再買過。」

倉鼠養了幾年？正所謂無三不成幾，至少也有三年吧，其實以細小的倉鼠有三年或以上壽命是十分難得的，因一般也只有兩年生命吧。

倉鼠死了令你女兒很傷心，你的女兒年紀很小？可能以她的年紀小，是不能明白生死有命的，你可以安慰她說，倉鼠現在一非常遠的地方生活，等她將來是可以再見的(類似說法)，你更可以說以倉鼠來說其實已十分長命了，相信是因為你女兒對牠很好及兒子亦時常有好好善待所至(順便可弄好兄妹關係)。

至於你女兒更認為你扁心，只對哥哥好這問題，我便真的不明白她何出此言了，所以我不能解答了。

另外你過後要好好教育兒女明白有生命的東西是會有一日離開的，及最好要自我檢討，以後給小朋友養東西最好自己及他們要先有心理準備有離開的一天，才好飼養。

還有.....可能你女兒真的是太細，倉鼠死居然把責任推在哥哥身上(哥哥沒有好好善待倉鼠)，相信你亦要好好教導一番吧。

可能我說了太多不中聽的說話吧。

你可以對女兒說(要配合實際行動)"人死不能復生,動物也一樣,你不要傷心,我答應你,會買另一隻倉鼠給你,不樣哥哥飼養所有倉鼠,這樣你就能好好善待倉鼠了!這樣,你說我有沒有偏心,只鍚哥哥?"

小朋友係咁樣架啦,,比d時間佢接受下啦

你可以同小朋友講..

動物同人一樣..都要經過生老病死..
倉鼠好累都要休息下架啦..
唔好唔開心..因為倉鼠知道你唔開心佢都會唔開心架
你地乖乖地好好照顧其他倉鼠.
等佢知道你好鍚佢地,知唔知?
你就好似佢地既媽媽一樣 要錫佢地架
正如爸爸媽媽都好鍚你同哥哥..唔會偏心架~

小朋友一唔開心係會扭下計~
氹下佢啦~

希望幫到你啦:)