點解我 咁細膽 (我都升中五啦) thx

其實你唔需要太擔心
細膽同大膽其實係對比黎既
而且同受唔受歡迎沒什麼關係
我都係男仔
我跟我的朋友比起來
我肯定是比較細膽的一夥
但我亦是很受朋友喜歡及愛戴的
朋友甚至有點過份照顧
如果我很害怕一個人去廁所
肯定成班朋友會主動陪我去...

當然
而家我22歲
出左黎做左幾年野
都大膽左少少

什麼鬼怪
什麼殺人狂
我都驚
跟你說不驚的人
十個八個都會驚
但比起上黎
貧窮, 死亡比較可怕吧?
晚上身上餘下20元
可是整天連飯都沒有吃過一口
孤獨也很可怕吧
朋友各有各忙
家人不了解自己
一個人夜晚在公園坐坐
如果現在有隻半透明的長髮朋友出現
你也可能會想傾訴一下
這些都是我遇過的
現實是最可怕的

一個人細膽有很多原因
因為沒有自信
因為想得太多 想得太遠
因為太迷信
因為想像力太強
想大膽一點
其實需要慢慢練習
你可以嘗試不斷做一些突破
做一些以前不敢做的事情
當然要合法...

例如自己一個人找份兼職做
找一些對人的工作
slaes或者做問卷調查員
又或者做下義工
又或者學一門專長
學跆拳
學一種樂器
幫自己找尋自信
睇少的有關鬼怪的東西吧

另外你可以試下
每天對著鏡子看著自己的眼
跟自己說十次
你是男人! 你很大膽!
這個方法對部份人是很有用的

至於死左之後會點
我死左之後如果我仲記得的話
我可能會話到你知

關於鬼怪
我自問我無接觸過
有我都唔知
因為我完全感受唔到
有一夜我同朋友去飲酒
飲到晌街邊嘔
我又一班朋友晌旁邊
一個朋友扶住我
有一個朋友就幫我係咁講
朋友飲多左~唔好意思~唔該借借
我好多朋友都會咁~寧可信其有
但果次我朋友就講得好認真
直情好似係同緊人講一樣
講講下仲行開左少少
事後朋友同我講返
話見到我嘔正晌個人頭旁邊
但個人頭就唔係望住我
而係望住我個朋友
不過佢就唔惡
因為知道我無心既
同埋我地都好有禮貌

但我有個孖生細路
同我一樣好受朋友歡迎
但間中會遇到D靈異野
佢同我講過話試過有一排成日感覺到比野跟住
但我細路無理佢
直至有一次夜晚佢迷迷糊糊咁想過馬路
突然間全身郁唔到
好似比野捉住咁
跟住眼前就有一架貨櫃車駛過
佢直覺覺得係一直跟住佢果隻野救左佢一命

我細路話其實果隻野好似成日都想搞佢咁
但無機會
只好一直跟住佢
又見到我細路成日都令朋友開心
所以最後由害佢變成救佢
我當然係半信半疑啦

只要你無心
又無做過D咩傷天害利的事
無咩好驚

我都聽講過
人死後靈魂會集中在同一個地方
由信念建築的地方
例如有一班人都深信死後會回到神的身旁
他們死後便會回到神的身旁
這個神便是由他們的信念建築的地方

例如有一班人都深信死後會有一個屬於他們種族的村莊
他們死後便會到達這條村莊
這條村莊便是由他們的信念建築的地方

但都未到
到時你就有方法架啦
唔通你想而家驚定先
驚到死左之後咩?
如果你係信人死左會點點點
你咪做多D善事囉
個個人都會死架啦
我而家都好驚死架
因為我如果而家死
我生存就會變成一件好無聊既事
我覺得人生要做一件有意義既事先可以死
對我黎講
死其實係一個人生意義的總結
然後不負責任地忘記所有事
放低所有記憶
又可能係用另一個軀體發展一個新開始呢
又可能係不需要軀殼的一段旅程
當然
最大可能係什麼都沒有
點都好啦
總之係同你出世前一樣
即係其實你好驚果樣野你已經經歷過!!!
所以其實無咩好驚...
你當我呃你都好啦
我建議你信住先...

點都好啦
有得做人
便好好地做人
不要有所遺憾

我試過同女朋友去旅行
我驚到唔敢訓
要女朋友陪到我訓著佢先訓
我覺得無問題
因為佢唔驚

我試過幫女朋友打死一隻小強
雖然我好驚
但我女朋友都好驚

總之!
細膽還細膽
識女朋友同出黎做野
係講能力既
有D野真係要做既
唔可以因為唔敢做就試都唔試就放棄
見過鬼唔怕黑既係無腦
為面子死充的叫唔衰得
為左一D重要的事
明明好驚都照做既
先至係真正的有膽量

如果你唔怕死既
你大可以一句
死未死!驚咩呀?
如果你怕死既
你都可以一句
都唔洗死!有咩好驚呀?

驚唔係罪啊-3-
錯既係笑你既朋友- -
你話唔知將來點識女仔,,
唔洗諗咁多-3-
如果個女仔因為你細膽而唔鐘意你..
咁佢都唔係真係鐘意你啦,,
你應該諗..
d鬼呀殺人狂..
存在係存在-3-
不過真係咁好彩比你撞到咩!
要諗：撞到都唔知啦XD
唔好自已嚇自已,,
呀仲有,,
一個方法幫到你,,
你每日起身對住塊鏡講10次：我唔細膽！
久而久之真係會有幫助架..
唔係魔法黎,,
只係心理作用！
不過我覺得最重要都係你既心態=)
希望我既建議對你有用啦XD

其實我覺得驚有一個過程

吾驚----->驚------>吾驚----->........(一直下去,是一個無盡的循環)

一開甚或都吾識自然無野驚,然後當你看到一些事件後(好似有人從高空中跌下,有打劫,有殺人......未必發生有你眼前,可能只是在報章,雜誌中)但是愈接近你,你就愈深刻,當然就愈驚,甚致可能甚麼都冇發生只是想像

那點由驚到吾驚,我只好說一句你所以驚是因為你覺得會發生,如果吾會發生你自然就吾會驚,所以我比你吾會驚的方法是忘記你覺得會發生&和自已說吾會發生

其實你唔洗太驚lor~因為你可以當係故仔咁黎聽架ma~就算係男仔如果驚咁都冇辦法~你最好訓練下lor維有~叫人陪你睇下鬼片~夠勇可以自己睇~人人都有驚ge野~你d同學(男)就算有野驚都唔會話你知la~佢地一定有野驚~你而家唔知姐~你唔洗太介意人地點諗~仲有呀~細膽冇咩壞~起碼你有諗果如果做錯事之類死左會點~我覺得冇咩問題lor~加油la~如果你想勇d就自己一個睇多d鬼片~愈驚愈好~哈~

講真鬼就未必會有啦, 殺人狂就可能有. 新聞常常都有啦. 正所謂防人之心不可冇. 不過, 其實殺人狂唔單止在黑夜出現, 前掛日本都有個無端端殺左幾個無辜既人, 所以就算人多既地方, 都可能重危險. 如果可以的話, 咪去學下kungfu 囉. 到時萬一遇到狂人, 都頂得兩下. 至於鬼的話, 如果冇做虧心事, 怕且冥王都唔會比d 手下亂來掛.