什麼方法可以令牆身無霉點呢　？

其實牆身出現霉點主要係牆身或天花受潮濕而引起的, 一般都會是由天花開始再到牆身的.
ICI或其它品牌的漆油唔係無用, 而係沒有買多功能的漆油! 你可以用一些有多功能的漆油便可以發揮其功能, 多功能包括有防霉, 抗菌, 防水, 特強附著力等.
空氣流通是一個很重要的環節, 多開門窗及抽氣扇可助空氣流通.
你家居近山近海就會容易有的情況, 可開抽濕機或冷氣機等, 這樣可以幫助抽濕令家居乾爽, 保持家居乾爽, 就無咁容易產生啦! 你亦可買濕度計測試濕度.
如發現有霉菌, 就一定要用乾布去抺, 否則會將黑色一點點的霉菌越抺越黑, 之後再用火酒抺天花或牆壁, 這樣做法可以避免再有霉菌出現.
千萬唔好用白醋或漂白水或滴露開水等物品來抺, 會令乳膠漆脫落, 到你你仲煩.
如唔得就要用200號砂紙輕輕打磨便可. 如果都係唔得就要(重新剷底油光油批灰)(如有需要)油多功能乳膠漆啦!
最簡單是直接油上乳膠漆便可. 如想效果好ｄ就先用180號砂紙輕輕打磨, 之後再修補裂痕或起泡的位置，便可以油乳膠漆啦．
你亦可以到五金鋪買石膏灰或平底漿或牆之寶等, 已經溝好晒, 即開即用, 非常方便, 不過份量就有多有少, 視乎需要而定.
漆油方面 :
至於用甚麼品牌, ICI 內有好多個牌子, 但水貨多, 巴馬士的沒有水貨, 但比較貴, 日本漆原廠日本制做較好, 市面多數是本地或大陸制做. 而菊花牌就是本地制做.
現時最好是買多功能漆油, 多功能包括有防霉, 抗菌, 防水, 特強附著力等.
利登 ----- 價錢平, 質素好, 但少顏色選擇.
多樂士 ----- 價錢中, 質素好, 顏色多選擇.
護牆漆 ----- 價錢中上, 質素好, 顏色多選擇, 施工較繁, 合理做價應該高些.
麗明珠 ----- 價錢高, 質素好, 顏色多選擇, 施工極繁, 冇人鍾意做.
巴馬士的 ----- 價錢高, 質素好, 顏色多選擇及色彩較鮮艷, 最大缺點是貴.
日本漆 ----- 價錢高, 質素好, 防水較好, 但太結會髹時掃痕粗.
菊花牌 ----- 價錢中下, 質素好, 顏色多選擇, 施工容易, 是平價漆油中最好.
以上資料希望可以幫到你, 如再有問題或不明白請補充!

近日經常下雨或回南天氣，都會有潮濕而令牆身出現霉點現象。解決方法最好先買防潮油先油底，然後才油ICI。

很簡單,開抽濕機不用一天到晚二十四小時都開著,一天只開几粒鐘就可.其實,牆身有霉點是因為你家裡經常關著門戶甚至門窗,而導至室內空氣比室外要熱,室內被熱氣焗著,當然就會有潮濕的現象,產生濕氣繼而產生水珠從牆身流下來,地上水流了一地,而牆身却產生了霉點.因此,要多開門戶以至窗戶以便空氣的流通.這就最根本也最直接最容易的方法.