申請入大學的過程及所需條件?

因為你唔係用會考和高考成績報大學, 所以你要用non-jupas方法申請. 因為non-jupas不像jupas那樣多間大學聯合招生, 所以每間大學收生日程並不一樣. 一般科大及教院都會最早招生及截止申請, 10/11月就會開始報名, 12月尾就截止報名. 其次是理大、港大、中大、浸大及城大, 一般會到11/12月就會開始報名, 1/2月就截止報名, 而城大每個課程會有不同的截止日期. 嶺大1月才開始接受申請, 3月尾截止.
大學網頁裡面有講自己開辦什麼課程.
IVE唔係計GPA, 係將你成績分成幾個類別. Distinction係最好, 其次係credit, 之後係pass, 當然亦有唔合格. 報大學, pass/credit係最低要求, 有些更加要distinction. 就算有distinction, 亦不保證一定入到政府資助全日制大學, 例如: 商科. 商科大部分學位主要分比經JUPAS入學的學生, 之後是拔尖、內地生及其他non-jupas學生 (包括其他院校和大學的degree、高級文憑和副學士學生.). 正因為競爭大, 所以IVE畢業生要入政府資助的全日制商科degree係極難.
Top-up degree係專門比副學士及高級文憑畢業生讀既課程, 多數由本地院校與外國大學合辦. Top-up好多都係你肯比錢就有得讀, 但是否難出就另一回事. top-up一般讀1-2年就可以畢業, 但認受性會比本地degree差.