社會服務令有咩影響???

社會服務令係刑事懲罰嘅一種. 即係你犯咗刑事法而被定罪, 法官對你施行嘅懲罰.

凡係犯咗刑事罪行, 不論輕重, 一旦有罪(無論自已認罪或被判有罪)都一定會留案底, 絕無例外. 而有案底係做唔到好多工作嘅, 包括保險/証券/保安.
但係:
根據香港法例第297章"罪犯自新條例"第 2 條, 如果你犯左刑事法而留有刑事紀錄(案底), 但符合以下的所有條件:

a. 就該刑事罪行的判罰為不超過三個月的監禁, 或不超過港幣一萬元的罰款; 及

b. 以往未有觸犯任何刑事罪行而被定罪; 及

c. 被定罪後的三年內沒有再觸犯刑事罪行被定罪.

則可以不向外披露其刑事紀錄, 以及該刑事紀錄不會成為你被排除於職位, 專業, 職業或受僱工作的合法或正當理由. 此例適用於所有年紀及性別之人仕.
如果你之前無犯事, 咁你個case就合乎此例. 你可以三年後根據"罪犯自新條例"合法咁"洗底". 即係可以話俾人知你無案底.
咁你就可以考保險/証券/保安牌.


"罪犯自新條例"只是讓犯事者在符合規定的情況下合法地不披露其刑事紀錄, 而不代表其刑事紀錄被銷毀. 刑事紀錄是不會被銷毀的, 而是會永久存於警方及法庭的紀錄之中. 即係3年後你仲係有案底, 只不通唔使話俾人知啫.

香港政府的紀律部隊(執法)包括:警察,海關, ICAC, 入境處, 懲教處等, 因為係執法部門, 所以唔受"罪犯自新條例"影響, 任何有案底的人都申請唔到入職. 你亦唔可以做律政署, 法援署, 法官, 法庭書記, 大律師或律師.