婦產問題,到左預產期, 但都未生得, 點算?

無問題！好好休息，ｂｂ出世後，好忙！
最緊要check住bb的心跳．

祝母子平安!

放心喇,醫生叫得妳31日返去催生就無問題喇,未生的話.

10個有9個大肚媽咪都會遲生,我個時遲左7日生,bb重要擇
時間中秋節出世,俾佢激死,見到佢唔知好嬲定好笑.

醫生會幫妳睇吓子宮夠唔夠bb出嚟,唔夠的話,佢會幫妳
開刀生.

祝妳同bb身體健康

唔好太緊張，所謂預產期都唔一定係 exactly 嗰日，我姑奶足足遲咗十四日都冇生產跡象先入院催生。如果你冇任何先兆就去醫院，佢哋真係會叫你返屋企架，因為我有朋友試過。耐心d等啦，哩幾日真係會難捱d，但係好快就過架啦，九個幾月都過咗啦。祝你同bb健康快樂！9磅b好係難生d，但係生產過程將會係你一生最難忘、最感動嘅一段時間，我入咗醫院第三日先落產房等生，一落去就成十一個鐘先生咗個仔出嚟。