急:內地人到港後，怎樣和到哪裡才可以把通行證延長?

內地訪港旅客如果想申請延期,只可以去灣仔入境處總部5樓向簽證及延期組申請,而唔能夠好似外國人咁可以去各個入境處分區辦事處申請.不過一般情況下延期申請都唔會批准,除非係有非常緊急既事,主任接受延期既理由,咁就另作別論.
其實你auntie係咩原因想延期?要生仔?定係咩?你講淸楚d,我睇下仲有咩可以講到俾你知.

2008-07-20 21:14:29 補充：
你咁講法就唔係叫延期啦,延期係入境之後唔走延長逗留,出境再入境係另一個問題.咁樣做的話就簡單得多,只要佢通行証上面仲有有效既簽注,例如響有效期內多次來回既簽注,又或者有效期內兩次來回而未用第二次既簽注,咁就無問題架喇,當然要你auntie自己去是但一個關口走一轉啦,又唔一定要羅湖既,坐車去落馬洲(大陸邊叫皇崗)都得.
但要留意係如果經常係咁樣住足日子先走,而又好快再入境又再住足,有多次類似紀錄之後,入境時可能就會俾職員問點解會咁樣長時間逗留響香港,亦有機會俾人帶入房進一步問話.
仲有就會你auntie個簽注係咪團隊簽注?無得自由行果d地方只能夠用團簽,如果係的話又要再辦過個名單.