關於Oscar Test 急!急!急!

我好明白你的感受, 我上年又係做左Oscar Test , 又係話我唐氏高危, 話高危時得12week, 醫生建議抽羊水, 話抽絨毛球檢查風險會比抽羊水高, 但抽羊水要17week先做得, 果個幾月真係度日如年.

不過你都放鬆d啦, 如果唔係會影響亞B架, 好似我咁, 收到報告話BB無事咪安樂晒啦, 仲知道BB係仔定女添, 記住唔好咁擔心, 其實好多媽咪都好似我同你咁話係唐氏高危, 最後BB都無事
至於你問是否可順其自然，什麼測試也不做，直至BB出生, 我覺得你真係唔會放心囉, 話晒BB仲有好耐先出世, 你一定會成日擔心,不如問番你個醫生,建唔建議你抽羊水喇, 政府醫院係最平架, 你既然在QE亦有做檢查, 就去QE排期抽羊水啦

政府醫院抽羊水, 如果你唔係高齡產婦 (35歲) 係要收錢, 我上年做收$60.00加 一日住院費 (唔使留院) 醫生話過如果有事會最遲3weeks通知, 如果無事會4weeks寄 full report比你, 不過我覺得等得太耐, 好担心, 所以我選快速測試, 要$1,300.00, 2-3days會知bb有無唐氏, 同樣遲d會寄 full report!

記住放鬆D, 做足媽咪本份, 食多D有營食物, 祝你個BB一切正常, 健康!

妳可以再抽血驗，是測血液中的女性荷爾蒙、人類絨毛膜性腺激素和甲胎蛋白，然後根據濃度計算出機會率的高低，不同周數的計算方程式有小小不同，在威爾斯做而且不貴。也可在QE做多次Oscar。QE的醫生也可幫妳抽絨毛球做檢查。
唐氏綜合症不是遺傳的，而是由於孕婦年齡大而機會率增高。雖然是第二胎風險相對第一胎小，但是驗清楚比較好。
如果生了唐氏綜合症的BB，妳將來除了要花更多精力照顧外還要忍受社會上的眼光，實在搏唔過。

我覺得你要做進一步的檢查, Oscar test 是度頸皮厚度+電腦計算, 是一個機率,準確度有限, 如果在政府醫院抽羊水檢查, 可準確至99%., 好像不需1000, 我39歲第一胎, 在威爾斯抽羊水, 不痛, 結果出來後心定很多. 家族的背景要考慮, 但現在的環境污染太厲害了, 外在因素也要考慮.