韓國 滑雪場

龍平、茂朱和High One是現時韓國最大的滑雪場頭三位，三個都好靚。所以建議從那個最適合自己去選擇 (你問初級滑道, 所以當你係新手介紹)，以下的資料你參巧:

1.龍平 - 18條滑道(有啲書寫31條, 這是不同分類問題), 其中6條初級滑道，其實得5條，嗰1條唔喺滑雪用 ;
茂朱 - 19條滑道, 其中3條初級滑道;
High One - 18條滑道, 其中5條初級滑道

從呢處睇，龍平好似最好，因初級滑道最多，但作為新手，滑道的傾斜道都好重要，如果從這方面計，High One會最適合新手，因最唔斜 (但記住，就算同一個滑雪場，它每一條初級滑道的傾斜道都會不同，你要自己决定滑邊一條)，龍平和茂朱…….有人話差不多，但我覺得好似茂朱冇咁斜，茂朱的設計有一樣嘢較為特別，就是所有滑雪道滑到最尾是匯合在同一個地方上(應該話兩個，因為一半滑道匯合在一個地方，另一半就匯合在另一個地方)。

2.老實講，滑雪場的酒店價錢分別唔太大(都好貴)，不過High One 會新啲。我自己每年都是join韓國當地的 tour，每年滑雪季節，它們都有ski tour package，價錢包市區接送、裝備出租、Lift Pass、酒店。我通常上網book定先，如有需要，我可以比啲資料你。另外每年龍平和茂朱都會和香港的旅行社舉辦Fun Ski Festival，價錢好抵，但時間未必啱你，而如果你唔鐘意跟旅行團，亦未必啱你，因為它們的行程其中一兩日會返首爾，跟它們set好啲行程。

3.易唔易去？我唔覺得難。但當然你要做足資料搜集。由首爾出發，以車程計，去龍平最快(唔塞車計，官方話2.5小時，但試過由蠶室(首爾市內的地方)出發兩個鐘頭三個字便到)，High One要最長時間，不過在旺季，會有專用列車，唔怕搭錯車和可以避開塞車。

4.茂朱: http://www.mujuresort.com/e_index.asp (英文)
High One : http://www.high1.co.kr/eng/index.asp (英文) or http://www.high1.co.kr/ch/index.asp (中文)
龍平: www.yongpyong.co.kr (韓文，英文個site 呢幾日都入唔到)

5.12月中可以滑雪，一般來說，韓國的滑雪場最快11月中便開，但當然要視乎天氣。你可以留意韓國觀光公社之網頁: http://big5chinese.visitkorea.or.kr/cht/index.kto


雖然我三個中較為喜歡龍平，但如果你係新手，又未去過韓國，會建議你去High One。當然還有其他選擇，我自己近幾次去韓國滑雪都是去其他滑雪場的(唔計High One)。

我只去過韓國的龍平...所以只能答你有關龍平的問題..

1.請問龍平,茂朱,HIGH ONE那一個場較好玩較靚? 又多D初級SKI滑道~
龍平會好d...它曾經為1998年世界盃滑雪賽及1999年冬季亞運會的指定場地。它不但歷史悠久(建於1975年，乃韓國第一個滑雪場)，設施亦非常齊全。雖然龍平滑雪場的滑雪道並不多，但其質素不錯。場內共有18條滑雪道，細分為6條初級、5條中級、5條高級及2條滑板道，適合不同程度的人士。而當中的3條國際級滑雪道乃韓國的最佳滑雪道。初學者都岩玩

2.那一個滑雪場的旅館較好? 大約幾錢一晚?
Dragon Valley Hotel

$1840-$2140
如果去買package會平d~
或者去跟團會好d~
hong thai會有d團宏係去滑雪既...係龍平留3日比你滑雪,之後2日去市區買下野咁~幾好!不過你12月去,旺季會貴少少!

我住龍平渡假村都唔錯,離滑雪場都好近!

3.三個場是否都很易去? (來回首爾或來回機場)
距離漢城只有三小時車程,都要坐好耐車!!

4.呢3個場有冇英文/中文官方網頁介紹? 好似只找到韓文...
網此係得韓文...你想要information可以問旅行社,買package佢地會幫你搞掂晒...有咩到時再問佢地!

5.12月中是否應該有雪可滑了?
當然 我5月中去都係得3.6度!!可去旅行社問下,或睇天氣報告,好大機會都會落雪!

係yahoo search d滑雪場名都會有d information
有咩可以再問我!