關於倉鼠的問題....快(希望一日之內答到我thx~~~~)

唔同意樓上網友bbmoonman話要將母子分開,希望網友唔好介意及可以留意一下:鼠b一定要同鼠媽一齊,直至戒奶(約21日),冇鼠媽既奶,鼠b係成長唔到既,除左要飲奶,仲要依賴鼠媽幫鼠b清理排泄物,唔係既話,排泄物會塞住令鼠b死亡

A.除左有機會懷孕外,可能只係正常既情況;鼠鼠唔俾你抱,可能因一籠兩鼠而令鼠鼠受驚(倉鼠係獨居動物,同第隻鼠一齊住會感到壓力同受驚),而肚好似大左,剛養3個星期,如果鼠鼠係戒奶不久開始養,係會有明顯既長大,加上只係"好似"大左,只係肥左都唔出奇

倉鼠懷孕係好難用肉眼去睇到,因為懷孕期短,熊仔鼠大約15-16天,細隻既鼠大約19-22天,而且倉鼠係會出現假懷孕既,連獸醫都有機會會驗錯
懷孕既特徵有以下幾點,但的確唔易肯定:
1)鼠媽媽個肚會忽然大左少少,但食得太多野都會肥.
2)乳頭會較為明顯.
3)心情煩躁,但兩隻鼠一齊,好多時會有打交既情況,所以冇bb都會咁,所以難分

如果你懷疑佢懷孕,就要留意以下幾點:
1)生育前將鼠爸爸分開籠,單獨放鼠媽媽
2)唔好接近個籠,唔好掂鼠媽媽同bb,盡量等到鼠bb戒奶後先洗籠(大約18-21日戒奶)
3)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既
4)生之前放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事.
5)唔可以將鼠bb同媽媽分開,唔係bb就冇野食,生存唔到.我細個既時候,有人教我用手餵bb飲奶,但咁係唔可行既.

食自己鼠bb有幾個原因:
1)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb
2)鼠媽媽覺得bb養唔大-鼠bb身體弱 or 自己冇足夠既奶分俾佢地
3)鼠媽媽覺得bb有第d動物氣味
4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張
5)鼠bb死左
6)鼠爸爸對bb根本冇咩感情,所以如果生之前冇將鼠爸分開籠,爸爸就會食bb

其實鼠鼠最好分籠,繁殖鼠鼠會有好多問題,希望你可以考慮下唔好繁殖鼠鼠,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

B.倉鼠分男女:
你可以睇下佢排泄既位置,應該會有2個孔,分得遠d既就係男仔,相反近d既就係女仔.
而熊仔鼠比細隻既鼠更易分,有d細個到未戒奶都分得出.你睇佢地底下有冇兩排乳頭,有就係女
而大個d就會見到尾附近有唔同,圓係女,尾係尖就係男仔.男仔長大後會見到佢近尾會有一舊野咁,即係鼠既睪丸
仲要留意,細隻既鼠真係好難分,鼠店都有錯既情況,所以最好睇真d,不過你有兩隻鼠,比較一下就易睇得多

冇特地去影鼠鼠既下身,抱歉,但可以從背部睇落去:

圖片參考：http://i176.photobucket.com/albums/w162/kelvin320/080324-1.jpg

好易分咋,事但攞隻反轉睇,一定有2個點架(生殖器AND肚門),分得開D個隻係仔,2點接近貼埋就係囡啦~

佢應該有左 但左很煩 分開兩母子 可能大食細