BB補奶粉的問題及喂人奶的問題

我個B宜家一歲多仍然喂緊人奶, 我唔覺得有問題喎, 學習能力都好高. 我是為了餵哺B而不全職工作, 因為覺得對佢成長及營養供應會最全面.

去到10個月已經主食是午晚餐都係粥仔或糊仔, 只是早餐及其它時間餵少許而已, 奶 - 包括人奶及奶粉等, 已不是主要的營養來源, 不用擔心.

可以試下我咁混合餵個B, 有時間就餵人奶, 無時間不在家時傭人餵奶粉或pump出來的人奶. 若果你奶有多可pump出來後放在冰格內, 間中解凍後再喂個B, 佢唔習慣個樽, 但D味是人奶味就會易接受D, 易過人用樽餵奶粉, 慢慢就可以雙管齊下啦, 用左奶粉都未必知. 建議可試食森永日本奶粉, 我個B一直都好習慣味道, 無分別出來. 若果你是自己湊就唔使搞咁多野啦, 繼續餵

食奶粉大的BB似乎較早熟, 一般很早便出好多隻牙仔, 食人奶的B就會按照一般生長情況(即衞生署冊子內刊載的)的時序出牙仔, 我覺得好D, 較易護理.

其實阿B會食得越來越少, 奶水分泌會漸漸減少, 到時會自然停止的.
你要珍惜喂人奶時的階段及感覺, 個種滿足及親切感真係呢世都唔會忘記!

世衛建議純母乳至少 6 個月，之前可添加副食品及同時以母乳餵哺bb至兩歲。所以直至 1歲以外，仍是餵哺母乳餵哺是毫無問題的！怎會存在無益的道理?
人奶係一歲後沒營養的說法我也聽過，但我聽過的渠道來自個別的中醫師，(也不是 每一個都這樣說)，但我沒在網上找到資料或典藉支持。相對地，同樣是中醫角度，我看一些台灣網站是支持餵哺。(但我未能再找到這些網站)
我本身是母乳餵哺bb至兩歲8個月，不過因為上班及方便照人家照顧，所以bb在 5-6個起，母乳+奶粉餵哺。而你是什麼理由想混奶粉餵哺呢? 事實，我確認識有些媽媽不補奶粉下，餵哺至一歲以外！我認為幾時戒奶是要視乎個別BB發展，雖則1 歲起會為BB添加更多副食品，但基本上BB還是飲奶至大概歲半至兩歲，有快有慢，視個別 BB發展。

如果你想問有關母乳餵哺的問題，我強烈建議你參與08年7月26日(六)下午，香港母乳育嬰協會主辦的的一項免費活動，這活動會有很多有經驗的媽可作即分享及查詢：
http://www.breastfeeding.org.hk/sermina.htm


此外，這裏有一些資料，或談及母乳餵哺的網路連結作參考：
香港母乳育嬰協會
親子王國母乳版的【母乳餵哺資料庫】 (集多地資料linkage，尤其台灣中文資料，很好用！)
La Leche League Hong Kong 國際母乳會-香港
獨立媒體：期望香港，對母乳餵哺友善 ──寫在2008年母親節前夕 (這是一篇頗新近，對香港母乳餵哺文化意見的文章，當中資訊性亦強，本人建議閱讀)

經驗交流，沒有絶對對錯的~
個人最後意見是，依從自己覺得舒服的方法做就好了。


2008-07-19 11:11:53 補充：
錯別字改政：(第一行) 世衛建議純母乳至少 6 個月，之後可添加副食品及同時以母乳餵哺bb至兩歲。所以直至 1歲以外，仍是母乳餵哺是毫無問題的！怎會存在無益的道理?

我自己就只係餵左人奶個幾月咋，因為我發燒冇再餵
但係其實人奶係好過奶粉既，始終人奶係天然
奶粉要經過化學處理，點到係人奶好d既
如果可以餵到耐d就餵耐d啦，佢出牙果時啜奶會整痛你
到時你都唔想餵喇，不過咁大過餵人奶就會麻煩d囉

其實佢唔肯飲奶粉，因為一來飲人奶會痴實你，感覺會親蜜d
二來飲奶粉要用奶樽，奶樽冇奶頭咁舒適，膠做既硬板板
佢實唔肯啦

不過其實都應該嘗試比佢用下奶樽
你可以試下比佢睇下其他bb用奶樽飲奶
跟住就試下比佢，因為小朋友好鐘意跟人地做野
可能會成功

另外你亦可以恨心d，佢肚餓果時都唔比奶佢住
隔多一陣就用奶樽比佢飲，唔飲又再隔多一陣再比
等佢知道飲奶就要用奶樽，因為佢都10個月
都會識野既

希望成功!!