足球 點樣”ben”波

其實 Ben 波方法好簡單，做都要練習先可以做到。
先將個波面幻想成指南針，即係將個波面分成十字先，同時又將鞋面分成十字，方便指出踢既位置。

先講隻腳要用咩位置去踢，
有好多人話用腳尖、腳頭或者腳指公去踢，我覺得唔係咁正確。用腳尖、腳頭或者腳指公去踢，果 D 叫「督波」，勁就勁，不過唔係射，更加唔係咩腳拍尾拉西。呢種「督波」相信小朋友學踢波果時用得最多，力度強，但無角度，只可以射到直線波。個人經驗黎講，基本上如果守門員想用單手拍出「督波」既射球，如果係角度 45 度以下射，單手拍到都照入。但係我唔係咁建議用，因為第一腳指好易會傷，第二對鞋好易爛，第三會比人笑你唔識踢波。最重要既係，督波大力極有個限度，唔會好充分發揮到腳力，加上你用愈大力去踢個波，你隻腳同樣受返咁大力，隻腳咁就好快報銷了。相反如果用正確方法去踢既舒服安全，又可以發揮到你一直提升緊既腳力。

正確既用腳方法係用腳指公至腳內側之間既部分( 不是掃把腳 )，即係鞋既西北方位置 ( 教練教既 )，呢個係第一個方法。
另一個方法係用腳面 Ben( 全個腳面 )，兩個方法係地波同半凌空波( 窩里抽射 )既分別，視乎情況用兩個唔同既方法都可以做出勁射。
兩個方法看起來好抽象，可以幻想下好似高爾夫球同桌球既原理一樣，腳就係高爾夫球桿或者白波，不過注意角度不要抄飛機。

順帶一提「腳指尾拉西」
「腳指尾拉西」指落左旋既射球，相信碧咸等等球星大家都唔會陌生了。
當然係用腳外側踢出射球，右重心腳的話就踢波的「西」的部分，高度視乎踢球位置的偏南程度而自己衡量調節。利用波的旋轉同空氣之間既磨擦改變方向，射出弧形既波( 香蕉波 )，重點在於波既強大旋轉力，即係落西。
「腳指尾拉西」如果練得好，可以開角球直接入波，我有朋友識用，其實好多人已經識，差在用唔用得好。

再講應該踢個波邊度
要Ben 波 / 踢波要勁，無過要指明踢邊度既，因為角度高度唔同都係因素之一。不過可以分析踢邊度有咩分別。
以死球黎講，踢正中心係最大力，不過正中心就會踢出地波，而且係直線。一般 Ben 波，常理都知地面磨擦力比空氣大好多，所以係人都知地波比起上黎唔夠勁，所以踢就要踢中心偏波底，咁先可以射起個波，唔好全抄波底，因為除左無咩力之外仲會抄飛機。

建議 :
要射出勁波就用少少腳面同腳內側腳指公舊骨個位射，
可以落少少西( 即係見到個波射出去有旋 )，瞄住正中心，微偏波底，可以防止射地波減少磨擦力。

注意 :
鞋面同波面接觸之後唔係用力壓個波出去，係順住出腳個勢，力度向鞋頭方向前進( 唔係叫你用鞋尖去踢 )，意思係要順勢，唔好出左腳又改變方向去壓個波出去，咁就可以射出又夠勁又有力既波。

應該點樣先可以令到個波勁d有力d?

你可以用腳尖踼個波的一角,

就可以踼出一個強而有力既急速球!

你要抄個波下面,你要用鞋尖踢

應該踢個波正中間,同埋用腳指公踢

用腳頭的位置,俗稱「腳趾尾拉西」