考車一問(忠義街)

我以前，都成十幾年前都係考忠義街，果陣個試場啱啱由牧愛街改忠義街，第一次肥左，第二次pass，我第一次衰在出路口、cut線等無擰轉頭向後望，不過果邊無乜大改變，我相信我當年既經驗你應該用得著。
其實考路試千篇一律，出路口、cut線記得擰轉頭向後望，間中要大動作D望三面鏡比個官知你有留意四週，由於學校住宅區，留意路邊車與車之間有"失魂魚"走出黎，尤其是俊民苑同愛民巴士總站一帶，離遠見斑馬線就要小心隨時有D"以為自己大晒"既人話過就過，不過你好彩撞正暑假，少左D學生返放學呢D野。
見倒官上車就叫人，開車前作狀較倒後鏡，轉彎慢D，唔好踩線.....果堆例牌野就唔洗講啦！掉頭、泊位就睇你技術喇！總之，好似平時學車咁揸，當個官死既！

呢條問題應由教車師傅答噃!
我依稀記得我都考過呢個埸,但係肥左!
因為回試場時,有對情侶拍拖睇人考試.又唔企埋一邊,左住條路,響安即肥,又唔可以落車叫佢行開,只可慢車駛入試場,險些碰到他們,比考牌官急停,即肥!希望你唔會咁唔好彩,撞著這些衰人啦!