台灣簽証一問,謝謝幫助

1) 是否在網上登記好,然後就會有個登記號碼出黎 ?
是的,你抄低個no就可以

2 ) 第二日係唔係就可以到金鐘拿取 ? 現在都攪得切可 ?
唔洗等第二日,申請左就可以即時去拎

3) 最後,拿住這張台證到台灣就唔再需要攪其他手續可 ?
是的

完全正確, 有時佢會話REJECT, 重新輸入, 等等, 你可以唔理佢, 試多一兩次應該得, 如果三次都唔得的話, 咁就真係要去金鍾整, 不過呢個CASE好少.

佢俾個批號你之後, 已經即時可以去金鍾拎, 唔需要等第二日

冇錯, 連埋護照俾入境人員蓋章就可以.

最後有少少個人提議, 我一般連去金鍾都懶, 又唔想落地先排隊拎, 一般我會出發o個日早少少去機場CHECK IN, 之後去一號TERMINAL K 走廊 [ J 隔離, 上面係冇吊住個K字o架 ]有個COUNTER可以拎台証, 同金鍾一樣, 一般三四個字就搞掂. 記住先CHECK IN後拎証, 萬一拎証耐o左都唔驚CHECK IN 唔到嘛.
個COUNTER開8AM - 8PM, 你睇返你班機時間如果夾到, 可以唔駛特登去金鍾一轉。

首先上網填上個人資料, 大約8-10秒後電腦會即時發出[電子收件編號]。憑[電子收件編號]、有效特區護照及身份証，第二日到力寶中心中華旅行社，或中華旅行社赤臘角國際機場辦事處，付款領入台証。 注意機場辦事處辦公時間是上午 8時半，要預留時間上機。