BB唔肯食嘢, 體重已低過average，可以點?

如果你個小朋友平時都好活潑，其他發展一切正常
只係唔食野或者唔鐘意食野，咁個問題都唔大

我個仔而家兩歲幾，由出世開始到而家都屬於細碼
雖然佢冇見到野食就喊，不過就真係食好小野
而且仲唔食肉，食到小小都吐番出黎
一歲多d果時又係100個入面排尾5個
不過d醫生話佢咁健康就完全唔需要擔心
之前奶奶湊開既，之後我地自己搬左出黎
我晚晚煮飯比佢，佢食好多，我發覺佢中意食有味既食物
當然唔會好似大人果d咁重味啦，而且我仲全部都剪碎晒佢搞埋一齊

我試過幾過方法，你可以試下
去藥房買司各脫既x魚油丸
佢除左含有bb應攝取既養份後，仲有d開胃成份
一日飲一匙，開水當橙汁咁比佢飲

既然佢唔肯食既就餓下佢先，餓到佢咁上下先餵佢
咁就有機會食喇，不過果時我奶奶湊果時餓到咁上下果時
見佢開始發脾氣都唔肯食就比奶佢飲，結果就失敗左
如果要試呢個方法可能要恨心d同有耐性d

另外你仲可以同佢睇中醫，中醫會就住佢既身子開藥
可以叫中醫落d罹漢果或者其他甜甜地既
真係會訓得好d同食得多野左
不過餵佢飲就麻煩d，要夾住黎罐，都幾慘架

唔使咁擔心既，只要佢唔低於果一百個人既標準就冇事架喇
加油吧!