開刀痛d定順產痛d??

我d朋友有順產亦有開刀生bb, 順產呢, 佢地話生之前既陣痛好痛囉, 生完之後痛幾日, 好快會好番, 但開刀呢, 揀好時間之後打麻醉針, 醒左bb已經出世, 但藥力一過就會開始痛, 而且開刀係要開幾個傷口, 大約要3-6個月才完全好番, 期間都唔可以太用力, 怕影響傷口囉, 呢d比你參考吓啦, 希望幫到你!

我第一胎係陣痛完先開刀,第二胎就半身麻醉生
如之前,有之前痛及之後痛.但你可見到bb出世,母子關係係好好多,,所以我同細佬關係係close d,但同家姐則差小小

另千萬不要全身麻醉.記憶差,不能做sit up keep fit (除非你好怕),否則試半身麻醉好多了

我係開刀生,因本身有哮喘,醫生話過開刀都有一定既危險,無必要都要我自己生,我陣痛左14小時打埋無痛分娩(打果陣最痛)打完無乜感覺!!

但因14小時後都只係開左3度(要10度)醫生怕大細都無氧氣,所以要同我開刀,真係好驚ga!!!

打左麻醉針等左陣就開始,自己好清醒但下半身全無感覺,只覺有人按你個肚.....之後bb就拎左出黎-.-快到你唔信,鏠完個肚就出去一間房等葯散,無事就快d快病房....我就發燒,都燒左兩日

不過第二日訓醒7個鐘之後就落床行下,晚上就可以食野,d姑娘見我精神左仲幫我拆左手上既針tim,等我可以快d餵bb...

但開刀真係無咁快好,現在bb都有兩個月,但內好似未好過仲有痛下又唔痛既感覺-,-好難講果d痛,仲有開刀之後果3日便秘得好緊要!!!

不過開刀真係無乜生仔既感覺,人地講生仔經你都唔識講+.+

以前生唔到BB先會開力！保住大細平安！現在的人是為了BB有更好的出生時辰或可補留下陰部的原好！來留住老公的！

我自己就順產o既,不過聽幾個開刀o既朋友講返,開刀之後過一排就會開始腰骨痛,仲要係好唔到o個隻(我亞哥個老婆睇足一個月推拿都唔得(@_@")同埋我都覺得樓上幾位媽咪都講得好啱,真係要順產生個感覺先會大d,我d開刀o既朋友同我講,打完支針訓醒就話生咗,都唔係好信面前o個舊野係自己生(因為啱啱出世o既bb通常都唔可愛,要過幾日收咗水先見到個可愛樣)同埋其實外國都有好多醫學報告,係話順產o既bb會比開刀出o黎o既bb健康o架!!我自己呢就因為成7個月個肚仲好高,醫生就叫我行多d樓梯,如果唔係就好難生,跟住我諗"咁大個肚仲行樓梯好似好"牙煙"咁"跟住我就買咗個樓梯機(細細個放地下o個d)返屋企日行夜行,卒之,出o黎個效果非常好呀!我2:30入院4:02已經生咗喇,我仲要係第一胎tim,如果你諗住順產o既話都可以試吓樓梯機啦,真係好work呀,希望幫到你啦!!

我都同意要經歷過陣痛, 再順產先叫做.................生bb
自已專登去選擇開刀都唔係自已生
如果講痛, 我就真係唔知開刀痛定係順產痛, 我順產梗係話順產痛啦, 下面又要開少少比 bb 出, 又要陣痛
開刀生呢就最多係生完之後, 連針的位置痛, 聽朋友講都係好痛架

開刀既話，打完麻醉針就訓覺咁，到醫生開完刀
bb出左世之後，你既麻醉藥過左就會好似比刀割咁痛
而且唔係淨係外面喎，因為醫生會係子宮開刀
所以會由入面痛到外面
開刀生既話通常都要2-3日先可以落床
但因為內臟傷口癒合得較慢，整個痊癒期可能要4-5個月
其間仲有可能會間唔中癮癮痛咁

順產既話，陣痛既痛楚真係冇法用言語去表達
如果好彩生得快，可能只係痛一兩個鐘
但係有d人天生盤骨細或者其他原因會難生d
咁就可能痛十幾廿個鐘
生既過程會可能剪會陰令bb容易d出世
所以生完之後，除左縫針痛之外(可以要求打麻醉針既)
會陰傷口既痛都會痛大約3-4星期
但係3-4星期後如果冇發炎就唔會再痛
另外順產亦有機會出痔瘡，痔瘡既痛仲勁過會陰傷口
坐都坐唔到，隨身都要帶住個水泡

我個人就覺得，生bb係女人先做到
你唔經歷過生仔果種痛，都唔算係真正既女人!

雖然開刀有痳醉藥, 但清醒後傷口仍有一段時間會痛, 如果傷口收得唔好, 有風有雨時間一樣會痛
因順產需要母子努力, 所以不會痳醉, 但後遺症比較少
如金錢許可, 可要求用無痛妢娩, 不會太痛