點解貓唔飲水? 點解我同佢沖左涼就嘔

養左隻兩個月大左右ge小貓咪..
點解佢吾飲水ge..灌佢都吾飲wo...
1. 你可以係Ｄ貓糧內加些少水落去比貓貓吃，尤其是撈濕糧的時候。
同埋今朝幫佢沖完涼..用風筒吹佢..
吹吹下佢係到嘔返今朝食完ge貓糧丫..
2. 食飽先黎同貓BB沖涼，仲比你左 fing 右吹更係嘔啦，唔賴屎賴尿都算偷笑。

你可以白烚雞肉, 去皮喎 (雞胸較好,) 放涼後切粒, 用少少水浸住D肉, 咁貓仔食肉時都會飲到D水 lar. 但係你隻貓得兩個月大, 唔可以餵太多雞肉 or 主糧以外的食物, 否則好易肚. 所以我諗你烚 ‘手指尾’ 咁多的雞肉, 分兩日俾佢食啦. 最多一星期一次好了. 如果佢平時唔飲水都無辦法, 灌佢飲水只會令佢怕你, 不要過樣做呀! 貓好記恨 !

至於嘔, 可能你 ‘整親’ 貓貓個肚, 肚這個位置是很sensitive的. 我隻貓剛吃完糧, 我就抱佢, 佢都會嘔 ! 另外, 吹風方面, 風筒最好離開貓仔一尺, 你feel是暖風就 OK, 過熱 or 冷風對佢都唔好.

其次就係留意佢是否每日都有 “Ng Ng”, 如果3日都無得去就要睇醫生了. 祝你的貓貓身體健康啦.

我裒左6年貓 ka la......你的貓貓情況應該係....

貓是天生超怕水的. 故好多貓貓都唔肯飲水. 你唔好買個 D 滾球水樽比佢喎. 佢地唔識飲 ka. 要買水壺 / 或用碗 ok ka lak.
D 水污糟左, 就要密 D 換. 因貓兒係天生潔癖 ka.
你同佢沖完涼佢嘔. 因太驚 lor. 貓唔使成日沖涼 ka...尤其是係咁細個 tim. 我隻貓1年沖3-4次 ka 咋. 不過我就係帶佢去寵物店沖的.
平時同貓貓係堅企沖涼. 唔好嚇親佢. 要買個盤 ka. 好似 D bb 沖涼咁. 開定一盤溫水. 唔好用花灑. 因 D 聲會嚇親佢的. 放左佢落去之後, 慢慢黎. 總之盡量慢動作及溫柔 D.
之後用毛巾索乾 D. 如用風筒. 最好用微風/唔好咁熱. 慢慢黎.
另外, 絕對小心佢耳仔入水呀. 發炎好大鑊. 貓狗有專用洗眼洗耳水 ka. 間間寵物店都有售 ka lak. 邊隻牌子都冇問題啦. 一星期要清潔一次. 涼就唔使成日沖. 因貓會自己清潔 ka ma. 佢地成日自己沖涼的. 貓既口水有 D 中和既"簡"性. 故真係清潔到的.

貓貓打左預防針未? 太細的貓貓無抵抗力 (指對抗病菌)，不宜同佢地洗白白架。 你小心沖涼時冷親貓貓。