我想問佢係邊間我監獄

先打電話去荔枝角收押所(成年男性) / 大欖女懲教所 (所有女性) 或壁屋懲教所(年青男性)嘅Control(總機), 話想問吓該犯人身在何方, 佢會搭線去指模房或探訪室. 你需要俾犯人姓名同大約年齡 (有埋ID no. 就更好). 如果問你係犯人貴親, 可求其認做大哥細妹. 個職員會話你知個犯在何處服刑.


你再寫信去該監獄俾個犯人, 叫佢係監頭簿將你個名列入佢個探訪名單內. 因為懲教署為保護犯人免被搔擾, 例如被人追債, 只有在該犯人探訪名單內的人先可探佢.


到佢寫信話加咗你名, 你就可以去探佢.


懲教院所資料:


http://www.csd.gov.hk/tc_chi/ins/ins_ind/ins_ind.html

2008-07-19 13:00:36 補充：
年約30, 男性, 黑手(即係多次案底) - 通常會收係赤柱 / 石壁 (嚴重罪案)或白沙灣 / 荔枝角 (短刑期). 但穩陣起見打去老荔(荔枝角)問一問.