一ｄ砌高達既問題，請高手幫下手

1.假組係俾你在正式組合前先試試組合一下，看看有沒有零件有落差，或者互相干擾而影響活動，有既就要作出修改。
2.白畢地唔係用打底既，係用填補夾口或夾縫，好似上面講，打底既係水畢地，有500,1000,1200號。
3.夾縫可以用畢地填補及乾後用水沙紙打磨光滑。
4.一般程序來說是正確的。
5.夾口、夾縫基本上是同一樣情況，可以補畢地來處理掉。
6.開油水，可以用開稀模型油或開稀畢地。
7.你用幾多號沙紙磨？要用水沙紙，不要用木工用的。基本打磨用400或600號，再用800，跟著用1000號作最後修飾，濕水後打磨效果好D，用1000號打磨完之後應該好滑。

1.假組 有咩用

假組係好細力咁素組先,比自已知點切,有d位喺裏面見唔到就唔洗整(要好細力)

2.用黎打底既白畢地,我用先之後點解個d白色cover唔到底色既(例如我部高達d底色係紅色

白畢地!!??<<我未try過,也未聽過,我覺得你講緊灰!!算la,我會用灰($20/$35)溥溥一層,用1000度沙紙磨,再溥溥一層,用1200度沙紙磨,再溥溥一層,用1500度沙紙磨,再溥溥一層,用2000度沙紙磨, 最後會好滑

3.點消夾縫

用模型膠水塗在夾口(題5答),趁未乾將組件大力夾住,有d膠bit出黎先o岩,d膠硬左再磨

4.部高達係姐合左先用打底既白畢地(<<灰),再上色,最後先滲線嗎?

消夾縫>磨好d位,400度沙紙>600度沙紙>800度沙紙(1定要做齊先上灰)>上灰(題2答左過程)> 再上色>滲線>保護油(光油or消光油or半消光油)

5.咩係夾口

A件同B件的交位. 以HG為例,小腳由2件組件組成(A件同B件), A件同B件組合後有條界,就係夾口. 係唔應該有

6.咩係thinner

天拿水

7.點解用完磨沙ｐａｐｅｒ來消水口，之後個個零件個表面好似花曬咁，應該點算？

400度沙紙>600度沙紙>800度沙紙>上灰溥溥一層,用1000度沙紙磨,再溥溥一層,用1200度沙紙磨,再溥溥一層,用1500度沙紙磨,再溥溥一層,用2000度沙紙磨, 最後會好滑

其實唔難,只係麻煩