康文署獨木舟班問題

小弟參加咗8月7,8號嘅少年獨木舟海星、海馬章訓練班(內容與獨木舟一星章相近)同埋8月9,10號嘅少年獨木舟海豹、海獅章訓練班(內容與獨木舟二星章相近)。兩個班都喺大美督水上活動中心舉行。以下有啲問題,希望各位前輩指教!
1:去上堂要有啲咩裝備?仲要帶備啲咩?
2:我住係馬鞍山,幾點出發好?使唔使提早15-30分鐘去到中心?
3:整日的程序會是怎樣？上堂前後會唔會有水試同筆試?
4:著咩衫落水好?
5:我戴眼鏡架,要唔要買眼鏡繩?教反艇時副眼鏡點算?眼鏡繩去邊度買?點同個老細講?
6:教反艇時點算?戴泳鏡好嗎?
7:出海期間可唔可以戴帽?要唔要搽太陽油/防曬?
8:午餐自備?定係出去食?出去食要幾錢?
9:證書要幾錢,包唔包記錄冊/Log book?
10:仲有咩要注意呢？

咁玩水上活動
梗係會有機會濕身啦
當然係著泳衣打底
面頭可以著返件t-shirt同短褲
怕曬既就著件長袖衫啦
至於鞋
就一定要著包"爭"膠底鞋
第一次玩唔知自己仲有無與趣玩落去既
著返對白飯魚啦
到你真係有興趣玩
先至考慮買返對水上活動鞋或者潛水鞋啦
涼鞋同拖鞋都係唔著得落水嫁
至於帽同太陽眼鏡就自己決定啦
如果你有戴眼鏡的話
就要加返條眼鏡繩
當然可以的話梗係戴con方便啲啦
至於眼鏡繩可以去一啲賣戶外用品既地方就有得賣嫁啦
你同佢講話要買「眼鏡繩」就得嫁啦
同埋玩canoe成日喺海度
記得要做足防曬準備
用返啲高啲度數既太陽油
如果你鍾意的話可以戴返頂帽

一般都會提早15-30分鐘去到center既

當日既程序
由於個個教練既教法都唔同
所以好難話比你聽
通常個教練會喺嗰朝度講嫁啦

至於反艇嗰陣個教練比唔比你帶泳鏡
你要問返個教練啦，唔一定個個教練都比你帶泳鏡黎反艇

lunch方面
你可以自己帶或者出去食都得
因為有啲教練會同埋自己班學生一齊出去食
係大美篤食飯大約三幾蚊啦

證書同logbook應該係唔包既
申請手續同費用會喺你第一堂上堂既時候講嫁啦