我隻熊仔鼠係咪就死??

✔ 最佳答案

A.其實熊仔鼠1,2個月大,都已經十分大隻,就咁話買既時候已經好大隻,其實就較難了解到係咪0.5-1歲大,不過買左近2年,鼠鼠都已經年老,而年老出現你所講既問題,最好就盡快睇醫生處理,並將鼠鼠獨立飼養最有口碑既鼠醫生:
大圍珍禽異獸及寵物醫院 DR.TIGER/DR.LAM
地址:大圍積信街75號地下
Tel: 2687 1030
http://www.taiwaiexotic.com/
基本診金$290,藥及手術另計
平d可以睇愛護動物協會,但做嚴重既話,都可能會叫你睇大圍,因為設備不足.加上醫療車冇得揀醫生
愛護動物協會診所資料:(需入會) Dr. Corla DeWet
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html
診金百幾,藥及手術另計

鼠鼠咁唔舒服,又冇晒力咁,會比較怕人,所以會唔想你移動佢,除檢查同帶鼠鼠睇醫生外,最好都係唔好攪佢住,俾多d時間俾鼠鼠休息

鼠鼠patpat濕有以下既可能:

B.肚瀉or便秘
肚瀉or便秘都會patpat濕,檢查返鼠鼠既排泄物有冇異常

分辨肚瀉or便秘:
1)嚴重既好易分,會明顯地見到鼠鼠既便便爛同濕,如果初期既肚瀉就較難去分
2)你可以拎鼠鼠既排泄物上手咁下,最好係佢排出唻冇耐(過一陣,1分鐘度啦,即摸好易係好林),睇下會唔會好硬,唔洗擔心,佢身體冇咩事既話唔會好臭.其實最好係成日咁樣去檢查鼠鼠既排泄物,因為如果之前你冇掂過,就好難分係咪特別林or硬左,我成日都會咁做
3)留意鼠鼠肛門一帶會唔會成日濕濕地,但便秘都會濕,但應該唔難分佢係肚瀉定便秘
4)清晒個籠之後,再仔細留意佢既排泄物係咪真係比平日多左or少左,如果平日冇留意既話,就較難用呢個方法難分,不過多數之前講既方法已可分到
5)睇下鼠鼠排泄時會唔會好辛苦,平日休息又會唔會好痛苦咁縮埋一舊,便秘既話可能會較難排泄

肚瀉既要留意以下幾點:
1)買d止瀉藥加入水度俾佢飲
2)唔好食零食之類,蔬果更加唔可以食啦.可以俾d白麵包or麥片佢食.(好少量),其他人既食物當然都係唔好俾鼠鼠食啦,鼠鼠正常時都唔可以,好返都要戒口一段時間
3)有第隻鼠一齊就要分籠,因為會傳染既,而且俾藥都要分籠先俾到
4)保持個籠衛生
5)接觸鼠鼠之前之後都洗乾淨手,自己有唔舒服既就唔好接觸or靠近鼠鼠咁多.
6)鼠鼠有唔舒服係會特別怕人,都唔好打擾佢咁多
7)鼠鼠既用品同籠都要用動物專用既消毒劑消毒
8)密切留意下佢既排泄物變化,留意鼠鼠尾部會唔會成日濕晒,如果濕既話整乾淨又會唔會再瀉返,長期濕就可能係好嚴重既濕尾症.而濕尾症就多數好難會好得返,好快會死.最好就盡快要睇醫生.
9)肚瀉不止(2,3日左右)or瀉得嚴重,就最好去睇醫生啦

便秘處理方法:
1)將食水放近鼠鼠訓覺既地方,必須確定水樽出水係冇問題(平日都要,但便秘時水份特別緊要)
2)可以俾少少橙既"衣"俾鼠鼠食,再睇下情況有冇改善,都唔得既話,俾極少極少既橙肉俾鼠鼠(大約半隻指甲大小),唔好俾菜,易有農藥但記得真係便秘先好俾,唔係一陣攪到隻鼠肚瀉就慘
3)到鼠鼠年老時,如果有便秘既情況,其實係可以用手輕輕力按排泄位,幫鼠鼠推D排泄物出唻,不過真係要輕力,冇把握就唔好試了
4)知你一籠一鼠,但都要小心唔好將第隻鼠既用品混埋一齊洗

C.濕尾症
特徵及處理方法:
1)濕尾症同肚瀉係好似,排泄物都係會較軟甚至液體咁,但濕尾症就會見到鼠鼠既尾成日都濕左,嚴重d既時候會發出惡臭添!
2)鼠鼠會唔係點食野,冇咩力咁
3)濕尾症可能會引起直腸脫出同埋脫水,兩樣都好危險,所以一有濕尾症就要盡快睇醫生,唔係就好易死.
4)濕尾症會傳染,患病期間一定要將鼠鼠隔離,鼠鼠既用品同籠都要清理得好,但怕打擾到鼠鼠令鼠鼠有壓力,所以3日左右洗一次籠就可以.

另外,鼠鼠過左一歲就開始老,照顧年老鼠要注意既事,可參考以下我回答既知識:
http://hk.knowledge.yahoo.com/question?qid=7008040603097

2008-07-16 23:54:01 補充：
如果你既鼠似濕尾症,點解會俾橙衣佢食???希望真係分清楚d先,濕尾症係嚴重既肚瀉咁,而我既回答內容講既橙衣,係用唻幫助便秒既問題,情況係極端既,所以一定要睇真同分真d先好

而鼠鼠情況已經咁嚴重,如果係濕尾症既話,更加係好易1日就頂唔住,一定要盡快睇醫生先得,而同時你唔止一隻鼠,除左必須分籠外,都一定要將所有物品分開同澈底消毒,就算鼠鼠死左,都一定要將其他鼠既野咁去整(可用牙膏消毒),呢個係高度傳染及十分危險既疾病,要好小心處理
濕尾症既詳細說明可參考以下我回答既知識:http://hk.knowledge.yahoo.com/question?qid=7008011400149

2008-07-17 23:15:11 補充：
最緊要係睇返鼠鼠既排泄物去分辨屬於咩問題

回答 (2)