員工講大話，請病假去旅行，點算? 急急急，thanks!

依你的陳述，無論你員工請事假或病假都合乎勞工法例。
先講病假，人地有醫生紙，除非佢張醫生紙是假的，否則人地有權放病假，你仲要跟合約或勞工法例支付病假的人工。
再講事假，人地起你公司做了一段時間，就可按合約或勞工法例放事假（大假），其實唔駛比理由你，d假係人地的，人地點用唔關你事，攞嚟訓覺都得，你地雙方可以溝通下起邊段時間放假，但睇你的陳述，你又冇講到點解唔比佢放，所以我唔覺得你職員有問題，反而覺得你弄權，唔比人放假。
你仲想因為人地放病假而炒人，我覺得你好過份。雖然你可按合約補代通知金，但因為與合約期滿日子相近，好大機會構成無理解僱，上到勞工法庭你輸的機會好大。
另外，你又想出warning letter 俾人，你想warn 佢d 乜？warn 佢用醫生紙請病假？！
香港好細，山水有相逢。從你的描述，客觀來說，你員工好客氣地請事假，但比你留難，你弄權，所以唔批假。你員工請病假只是巧合，沒有其他。至於你想炒佢，出warning 比佢，我覺得你好過份，點解唔好頭好尾因應佢在職其間的表現出番工作表現獎同約滿金俾佢，呢d 係佢應得的。作為一個上司，一個僱主，做事要公私分明，負責任，照僱下屬，你的手下，員工先會為你勤力工作，最後的得益者就係你。
除非你這個員工，有其他劣行，你冇寫到出嚟。如果只是你問題所說的，我始終覺得你理虧。

你條友仔，你估你改左篇文就無人認得你，呢個員工請事假你又唔批，請無薪你又話唔得，請病假又想屈佢礦工，山水有相逢，好頭好尾，你之前都話你地雙方無心續約，你就由佢囉，係要玩你，我驚你份工都無埋，斷人米路，如殺人父母

昨日看到的...............是否你的員工,



我o係一所小學度做教學助理，今年只係第1年任職，做o左半年到就結婚，學校俾我預支大假去度蜜月+結婚，大假用晒啦。合約只係去到8月尾，即使佢同我續約，我都唔會o係度做，人工低，褔利勁少，俾多一日假你，就當自己係神咁。

8月想同就黎移民o既家姐去旅行，已經俾晒$，等機票出埋就去得啦，依家已經同o左學校講，點知佢話唔想開先例冇啦啦又俾我請假，之前俾我預支d假已經好好，之前未試過，如果將來有類似o既事，佢就唔知把尺放o係邊，所以即使我話no pay呀，之前要頂埋我上司o個份job(幾個月)好辛苦，話減工作表現獎(約滿有呢個$+約滿酬金)，佢都話唔係呢個問題，一樣還一樣，總之就係唔俾請"事假"。

我想做到8月尾，一黎可以拎埋d獎金(都有4千幾5千蚊)，二黎依家我等緊份政府工，已經去到final啦，如果得o既，佢就會做ref. check，會問我做過野o既公司，如果我依家先俾人炒，有機會人o地會因為咁而唔請我(因為我之前轉工轉得好勁)，依家都唔知點算好，有諗過請病假，但怕佢我請完之後返黎炒o左我，我咪好"sit"? 佢咩金都唔洗俾，只係俾返千幾蚊你，又有可能佢話，學校都話唔俾你放假，你就自己去請病假，依家你咁係犯o左勞工法例 " 故意不聽從僱主合理而又合法的命令"，所以我可以即時解僱你，唔洗俾通知金，計返d糧俾你就得啦。

最重要o既係，我又想去旅行，但係又想安全平穩去到8月尾，有咩辦法呀，咁多位，請發表。

你係咪講梗假設性嘅個案呀,咁嘅事都可以發生？！！如果係真實個案,個主角就真係蠢到無有人,極大機會渡假完返來就準備踎監都得嘞。
好明顯張醫生病假紙係好有問題嘅,你首先按病假紙個醫務所電話打去睇下搵唔搵到個醫生先,如果證實無呢個醫生存在,那位仁兄偽造病假紙係犯法嘅！如果搵到簽病假紙嘅醫生,就要問清楚個醫生,有無簽過五日病假俾那位員工,極大機會根本無呢回事！
一般私家西醫係唔會一次過簽五日病假俾病人嘅,通常最多俾三日,覆診再有須要再俾假,如果一次俾四日,一方面醫生無法及時了解病情,病人病情突然惡化佢就要負責,隨時釘牌。另一方面病假超過三天,病人就可以申請病假津貼,甚至醫療保險賠償,涉及金錢賠償,僱主、保險公司就必定會找那位私家醫生了解是甚麼病情可以一次過斷症四天假以上。私家西醫隨時會被人到醫務委員會投訴佢濫發醫生紙,甚至投訴佢專業操守有問題。所以我敢話你個員工能夠攞到一次過五天病假、而病情重可以容許佢到外地渡假是不大可能發生的。
只要發覺那員工有塗改過病假紙,你要放過佢,個醫生都一定會告佢。如果個西醫承認一次過俾五天病假病人,你都可以直接去醫務委員會投訴個醫生濫發醫生紙,等個醫生解釋下點解一個需要連續五天休息嘅病人仲可以到外地渡假！以往都有醫生和病人被告串謀行騙罪名成立嘅個案。
如果你證實員工呃病假,炒佢係唔需要補錢嘅,佢呃公司假就等同呃咗公司錢,公司可以扣返佢人工,如果公司唔嫌麻煩,仲可以循民事控告佢沒履行合約做一個稱職員工,向他追討賠償！
要投訴醫生濫發病假紙,可先打政府咨詢熱線1823查詢。

2008-07-17 22:38:33 補充：
你講嘢一時一樣,朝早話佢五日病假,下午就改為四日病假,都唔知你幾時講真話！

請左5日假，但佢有醫生紙 ...
5日都 COVER ? 他的病假是否有薪 ?

如是 5 日都 COVER , 那個醫生都有問題啦 .
你可以按病假紙的資料 , 電聯那個醫生 , 然後告知
你有 [証明] 員工詐病去玩 , 看看醫生的回覆 ,
是否認同病人病重得需要放 5 天有醫生支持的病假 ?
如醫生都說 , 他診斷正確 , 你便是錯判 .
如醫生說 , 病人不是被診斷得非常嚴重 ,
只是病人要求放多天病假 . 那你便可以去警告
這名員工 , 指証他無理要求病假 , 記得要說明
已向醫生查核 .

最後 , 如果員工所交的醫生紙是由 [外地] 發出 ,
那麼 , 我可以肯定的告知你 , 他的 [醫生証明] 屬於
無效 , 因為勞工條例指明 , 醫生証明書的開立人
須為本地(香港 , 不包括澳門 或 中國) 的診所/醫院 .
請先了解員工所遞交的醫生証明書是於那一天開立 ,
有多少天 , 由那個地方 , 那位醫生簽發的 ... 然後 ,
再作最後決定 !

佢去旅行係唔係出境先，如果係佢死硬，邊有理有病重可以出境，入境署有出入境記綠，如果真係咁，就一毫都唔駛賠可以即炒，而且重可以告個醫生。法庭冇可能接受一個人請病假，但可以出境去玩，除非佢可以證明到佢出境係去醫病。但我唔信佢證明到。




之於佢可唔可以請事假OR冇薪假期就問你自己，我唔知合約內容。

do you have evidence that the staff went for a vacation? If yes you may fire him. If no, please consult the Labour Department.

你最好打去勞工處問下,唔係人人都清楚得曬d勞工法例,你問勞工處可以知道曬你想知既野,加上你清楚了解後佢要告你都唔得啦。