急......魚缸 D 水好綠........巳经死了 4 條 .........( 有冇人幫到我 )THANK !

你o既 case 好似我好耐以前o係度幫一個網友解決o既情況。佢個缸就係放o係露台外面。
你o既情況叫做「綠水」（algal bloom），台灣叫做「藻華」，名都靚過人。如果你去公園水池就好易見到，原因係：
１．水夠肥
２．光線太充足
因為咁，水中o既綠小球藻就瘋狂繁殖，幾日之間呢種單細胞藻類就令到成缸水都變成綠色。水池日日照頭曬住，你個缸好少少，但每日都有一段時間曬到，陽光一樣咁充足。
可以咁講綠水對魚一ｄ問題都冇，魚苗更加有大量食物，只係人唔鍾意睇。你ｄ魚死，可能係因為曬到水溫太高（亦可能係其他因為器材而來o既原因，如氧氣不足〔水暖溶氧就少〕、過濾能力不足等）。如果你堅持放o個度，就真係好煩啦。其實去實ｘ或ｘ惠買個鋼架自己砌都ｏｋ啦。
綠水o既煩，在於無論你換幾多次水都冇用，幾日又o黎過。窗簾如果透光，其實亦無補於事。樓上話用藥，我唔敢話冇效，但係你繼續咁放o係窗台，係咪要靠不停落藥？
我可以俾你o既 advice：
１．搬缸：最徹底
２．嘗試用唔透光o既o野遮下
３．加強過濾效能，水泵流量是否足夠（最理想可以有缸容量十倍）？濾材生物環夠唔夠多？
４．燈會唔會太強火數？如果冇乜草，燈只要照到你睇到魚就得。
５．如果有錢，可以加個ｕｖ燈，但只可以殺藻類孢子，對已生長o既藻冇效。但只要光唔係過強，呢個設備係多餘o既。
６．留意溫度計，水溫會唔會高於３０度？如果長期係咁就唔得啦，可以買個夾缸邊o既風扇，能夠稍降兩度，好過冇。
（當然仲要睇下仲有冇其他問題，請參考http://hk.knowledge.yahoo.com/question/question?qid=7007100802243）

我教你一個最簡單的方法, 用紫外光燈; 用左之后d水吾再變綠, 魚也吾咁易死; 以前我d魚都係買20條返來每日死3,4條, 曾經想放棄; 好在用紫外光燈后現在都無魚死過呀

如果有魚大肚, 你要把大肚魚隔開, 吾係魚仔一出世就比其他魚食晒架

我最初養魚時都好似你咁, 你可以試下去買支清綠水的藥水滴少少落去, 過一陣之後會發現的水變得好清, 但記得要小心量清楚的分量, 因為太多的話會毒死的魚, 同時落左的藥水後, 可能會有的魚會不能適應而死, 我當時都死左一至二條, 但無法總好過全部死晒,
另外, 你個濾水器有無放生物環, 如果無就加番的, 另外濾水的過濾綿都要有三層, 第一層係比較粗的機械綿, 第二層係炭綿, 第三層係細密的濾綿(白色的, 睇落好似綿花咁). 以上都可以係旺角魚魚街買到. 至於換魚缸的水, 就一定要擺二天以上先好用來換水, 因為水喉水入面有大量綠氣, 如果唔放置一段時間而立即放入魚缸度會增加水變綠情況,
以上的方法都係我的養魚的朋友教我的, 我做齊以上的方法後, 到而家缸水都無變反綠, 希望幫到你.

2008-07-16 10:58:45 補充：
p.s. 我缸魚都係放係窗台度架, 你而家有無用暖管, 如果有就關左佢啦, 因為而家的氣溫咁高, 再放暖管就真係熟晒喇.

魚仔死可能係（1）水溫過高，因為魚缸放在窗台被太陽晒到，而你的魚缸太小，水不夠多，難散熱，如果水太熱，唯一解決方法是移到太陽晒不到的地方。（2）水中氧氣不足也會令魚仔死亡，如果是氧氣不足的話，解決方法是加氣泵和在魚缸內多養幾尾「琵琶魚」吃掉魚缸內的青苔，這樣便ok，（3）同時要多注意魚缸水的酸鹼度，因為過酸或過鹼都令魚仔死亡。（4）留意給魚糧，足夠魚仔食十分鐘便好，不要剩下留在缸內，因為魚糧剩下在缸內會發酵滋生細菌。