✔ 最佳答案
其實一般孕婦頭1-3個月都好易出現噁心, 胸悶, 嘔吐, 頭暈同唔想食野既情況, 除左情況嚴重, 否則唔需要睇醫生, 食太多西藥對妳同BB唔太好. 最好食多d低脂同容易消化既食物, 太補反而受唔到.
妳可以試下整呢一種簡單既茶, 有和胃止嘔功效.
生薑陳皮湯
材料: 生薑5-6片, 陳皮1-2錢, 紅糖少量
做法: 將生薑, 陳皮洗淨煲30分鐘, 加少量紅糖調味.
呢個妳可以當茶水飲, 如果無時間整妳可以嚼久製陳皮或用生薑汁滴口.
如果妳成日出現失眠, 應該係同精神緊張, 肝陰虛有關. 可以用百合, 蓮子同麥冬煲瘦肉, 有滋陰養血安神作用, 好啱成日失眠既孕婦飲.
妳有左BB, 個人平和d, 唔好咁緊張, 除左一般檢查, 唔洗下下睇醫生食西藥, 食多d天然既野對妳同BB都好!
參考: 其實我都有左10週, 不過好彩無妳咁大反應. 我睇左d書同上網查左好多食療資料, 妳有問題可以pm問我! 希望幫到妳!!!