請大家救我命...本人有了個平月,現在好辛苦..食唔到...

其實一般孕婦頭1-3個月都好易出現噁心, 胸悶, 嘔吐, 頭暈同唔想食野既情況, 除左情況嚴重, 否則唔需要睇醫生, 食太多西藥對妳同BB唔太好. 最好食多d低脂同容易消化既食物, 太補反而受唔到.

妳可以試下整呢一種簡單既茶, 有和胃止嘔功效.


生薑陳皮湯
材料: 生薑5-6片, 陳皮1-2錢, 紅糖少量
做法: 將生薑, 陳皮洗淨煲30分鐘, 加少量紅糖調味.




呢個妳可以當茶水飲, 如果無時間整妳可以嚼久製陳皮或用生薑汁滴口.

如果妳成日出現失眠, 應該係同精神緊張, 肝陰虛有關. 可以用百合, 蓮子同麥冬煲瘦肉, 有滋陰養血安神作用, 好啱成日失眠既孕婦飲.







妳有左BB, 個人平和d, 唔好咁緊張, 除左一般檢查, 唔洗下下睇醫生食西藥, 食多d天然既野對妳同BB都好!

好多孕婦都會係懷孕初期作嘔作悶
情況差既會食咩嘔咩，食唔到野，嚴重既話仲會飲水都嘔
咁係因為身體既荷爾蒙起左突變，身體未能適應就會咁喇
過左三四個月，情況會好d，唔會嘔得咁勁架喇
你可以試下煲中藥飲，我有兩條藥方可以消胃氣
令到孕婦唔會成日好似個胃頂住，止到d嘔
因為太長，所以我打左係我個blog到
http://hk.myblog.yahoo.com/ekko-qqbb/article?mid=188&prev=196&next=187
你亦可以去睇中醫，醫生會按你既情況而開d安胎既藥比你
飲左之後亦會消胃氣，舒緩頭痛

我岩岩有左果時飲過幾次，一直到生都冇嘔過
我介紹過比朋友，佢地都係起初嘔到九彩，黃膽水都嘔埋
但飲左之後就真係好好多，只係間唔中會有胃氣

仲有你要盡量保持心情開朗，個人放鬆d
因為你越緊張就越嘔又越頭痛架喇
得閒聽多d音樂，間唔中按摩一下個頭
真係未試過懷孕都唔知媽咪係咁偉大架
加油呀!!媽媽~

我兩次都係咁, 頭一個仲嘔到生tim,
我都係食到辣, 好鍾意飲羅宋湯同食肉醬意粉,
不過都係間唔中!!!
你試下去d空氣好既地方, 好似郊外咁, 個頭無咁痛嫁!
我自己就係咁啦!
仲可以睇下中醫, 都可以止到下,
不過要日日食中藥, 一唔食過兩日又嘔又頭痛過!
我今次都要成5個月先無咩事,
但間唔中都有嘔下囉!!!
唔好食西藥, 對bb唔好嫁, 中藥都叫可以保下呀ma~

或者妳留意吓,食左d咩食物會特別想嘔,下次就唔好食,
每種食物都食小小,梗有d岩妳食既.

我個時每樣食物都食小小,最唔想食係蒜茸和鮮奶,一食
就會嘔,但我食辣有無事喎,跟住個10個月都只有食辣.

不過妳唔好食咁多芒果,波羅,重知濕毒食物喇.