請問政府會否揀選菲傭作為陪審員及有關問題

1. 政府是不會揀選一般嘅外來合約菲傭作為陪審員嘅, 因為佢唔係正式香港居民.
但如果有一個有3粒星嘅香港居民菲傭(例如菲傭同香港人結婚入咗香港藉, 但仍做菲傭揾吃), 就有機會被選入臨時名單. 但被選中嘅機會亦比香港人細, 因為有可能單案係用中文審, 而佢未必識讀 / 講中文.
2. 上次答過你, 唔好嫌我重覆.
基本上司法常務官係先會由人事登記處度得到所21 - 65歲嘅香港居民資料, 再由考評局得到呢批人嘅而中英文科會考級別, 再交警務處查吓有無案底. 再去破產管理處睇吓有無破產. 跟住去稅局查該人職業 - 有d專業人仕例如: 會計師, 執業大律師, 律師以及其文員, 藥劑師, 化驗師牧師, 神父, 伊斯蘭教伊瑪, 印度教教士及猶太教的神職人員, 學生, 領港員, 船長及船員, 飛機師, 醫生等係唔做得豬乸嘅. 在政府紀律部隊, 廉署, 律政署, 法官及其配偶, 法援處破產管理署, 知識產權署, 政府飛行服務隊任職亦唔做得. 行政會議或立法會議員, 太平紳士都唔做得.
3. 完全無影響. 你唔講甚至無人會知.
至於做陪審員的得失, 得就係完成咗你嘅公民責任, 亦有人會話每日淨係坐5粒鐘(早10am - 1pm, 午2.30pm - 4.30pm)就有差不多三百蚊, 好過番工. 失就係如果你係做經紀, 你可能會無咗好多生意機會.
4. 基本上無乜特別要求, 只要整齊清潔就可以. 咁當然, 法庭係莊嚴地方, 人字拖; 無領 / 雞翼袖T-恤, 超短迷你裙, bra-top就一定唔好啦. 兩個字 - 莊重 - 就ok. 帶口罩亦無問題. 但頗熱啫...
5. 通知書全部都係由高等法院寄出嘅. 所以你有機會參與刑事, 死因研訊或民事案件. 但整體嚟計, 會較大機會參與刑事審訊, 因為刑事審訊對比死因研訊案嘅比例, 係約30對1. 即係每審30單刑事, 先會審1單死因研訊. 而民事案有陪審團, 係極之少有嘅. 通常要由被告提出好有力嘅理由, 要求有陪審團, 再由法官批準, 先會有陪審團. 好少發生嘅.
6. 政府並非將大學畢業生的名字攞嚟進行遴選嘅, 因為咁樣係無形中介定咗陪審員要大學畢業, 變相唔公平及違反咗 "trial by your peers" 呢條規定. 點樣挑選陪審員, 請參看上面 (2).

陪審員的資格

出任陪審員是每一位合乎資格的香港市民應盡的責任。

雖然出任陪審員有時會帶來不便，然而香港是一個法治社會，擁有透明度高的法律制度，陪審團所扮演的角色尤為重要，因此出任陪審員也是一種榮幸。

任何具備下列條件的香港居民，均有資格出任陪審員：

年滿21歲但未滿65歲；
精神健全而並無任何使其不能出任陪審員的傷殘情況如聽覺或視覺的損傷等；
品格良好，及
熟悉聆訊時所採用的語言— 即中文或英文（視乎個別情況而定）
如何挑選陪審員?

若你符合出任陪審員的資格，人事登記處處長會把你的名字納入陪審員名單內，並由高等法院司法常務官發出通知，通知你將會把你列入陪審員名單內。

高等法院司法常務官每兩年編製一份陪審員臨時名單，該名單於十月或以前擬定，然後在翌年二月或以前確認。司法常務官亦可隨時增補該份名單。臨時名單或增補名單一經備妥，司法常務官會在憲報及報章刊登公告，說明該名單已可供查閱。

高等法院司法常務官每星期以隨機抽選的方式，從陪審員名單內抽出若干數目的陪審員。若你被抽中，法庭會以掛號郵遞把傳票寄給你。一般會向你發出最少 21 天通知，並請你在指定日期前往高等法院或死因裁判法庭。

曾接受傳召而出席的陪審員，一般在兩年內不會再被傳召。