{化妝} 眼線液好用定眼線筆好用？ 畫眼線唔上眼影得唔得？

初學者用眼線筆練習~ 我講既練習就係用卓悅$10果d練下點畫~

要出街呢~ 你都唔想變熊貓眼架嗎~ 最防水防油既梗係眼線膏~
出名既有Bobbie Brown, 呢個比較貴~
Clinique都好唔錯~ $130 連一個羊毛小掃~ 五隻顏色揀~
另外你都可以去卓悅搵下, 筆匠 $70 兩隻眼線揀~
Kate好多人都話好GOOD! ColourMix, Watson都有~ 仲有得試~ <$100

淨畫上眼線係得既~ 我平時都係咁~ 一d都唔怪~ 眼落都精神好多~ 當然畫埋下眼線就完美啦~

眼線揀啡色好d, 黑色會太厲~ 睇落個人好惡~ 閃啡色都唔錯~

用防水眼線既要用專For眼既~ Myabelline果個$29卸眼都好好用~

希望幫到你~

眼線液難控制, 但明顯
眼線筆易控制, 自然, 但一定有防水防油的

如果畫眼線不塗眼影, 用眼線筆或眼線膏, 畫完後用眼影輕力塗開, 做出有層次又不死板的眼線

眼大, 用深灰或棕色, 其餘用黑色, 因眼大用黑色個樣會惡
不太建議用閃的, 有閃粉會掉入眼

一定要落妝, 有無化妝都要落妝, 對皮膚好!

2008-07-18 16:37:06 補充：
我自己用BOBBI BROWN!

一定眼線筆易用d, 邊隻好用d見人見智, 我自己就眼線gel , 眼線筆, 眼線液都有好幾隻, 出黎效果質地唔同

眼線筆質地比較柔和, 好易就可以推開, 比較自然~但相對地比較易甩, 就算防水都係!就算唔熊貓都要補妝

眼線液質地最實, 但比眼線筆持久。但質地太實, 我只會畫完眼線筆/眼線粉再加強使用。

眼線gel我自己覺得最好用, 佢質地係眼線筆同眼線液中間, 加厚就可以做到好實既顏色。而且好易用, 初學者最推介kate。正價$98連埋掃, 好抵用, 但就易乾, 每次用完都要扭返實。

我自己比較鍾意黑色, 因為我覺得啡色唔好明顯~

眼線一定要妝, 如果落唔乾淨對眼都會生粒粒, 我最推介fasio既眼唇落妝液，$35有排用。

兩個牌子係colour mix同大型屈臣都有得賣

初學者最好選擇眼線筆，因為比較容易控制，畫錯了也比較容易改，價錢也相對比較低D。

帶閃的眼線通常比較散，顏色唔同實(眼線液除外)，要畫好多層先見到D色，也比較容易甩。其實選什麼顏色眼線都係看你自己的喜好和需要，有部份帶閃的眼線可以推開當眼影。

畫了眼線就當然要落妝，不過你可以只用棉花棒點D卸妝油抹掉，不用整個面來卸。你可以到下面呢個blog看下，有分享畫眼線和比較各類型的眼線效果
http://hk.myblog.yahoo.com/ahzimakeup-work/article?mid=1130

眼線筆對初學用好d , 因為眼線筆畫上易d

眼線液比眼線筆畫上去靚d , 貼d , 但若初初化妝,先訓練用眼線液上眼位 . 因為若技巧唔夠畫上去好易化的 .

畫眼線唔上眼影是可以的 , 若平時出街黎講都ok .

畫眼線令眼睛睇落有神d , 唔會好怪 . 若畫眼線上眼影 , 就要睇上咩色眼影 .

但大致上平日出街淨畫眼線唔會怪的 , 如果畫眼線加睫毛液眼睛睇上去更加靚有神

個人角得眼線若選黑色會好d , 其實兩隻色都ok
但黑色睇落較自然 .

若剩畫眼線也要落妝 , 因眼線若果唔卸的話d妝會隨著skin積聚變黑的 . 可以買for 落眼妝的卸妝液
^^