洗con(彩con)係咪一定要用生理鹽水等等？

1)其實所謂既洗con水係咪可以用黎洗+浸架？

答: 唔一定. 有的是分開2支. 市面上的con水配搭如下:
- 一支細(好似眼藥水咁細)洗con 水, 搭大支的浸con水
- 幾合一的洗con/浸con水
- 用丸仔加浸con水
- 用中和環加浸con水
視乎牌子而定.

2)我唔係長期用con，唔用鹽水有冇問題??係咪必定要用?!唔用會點樣?

答: 先要知道鹽水用途及幾時用, 這是用來
- 戴上眼前沖洗一下對con, 戴上眼時會舒適些
- 戴完後洗con前後都用來沖一沖, 將部份污糟野沖走
宜家市面上大部份的藥水亦可當鹽水用, 你可試下, 但好多牌子的藥水都"lah"澀眼的, 你可試下邊隻你啱用, 要慢慢搵, 但若用鹽水沖一沖, 咁就無咁煩, 因為沖完才戴通常唔會遇到呢個問題. 鹽水的價格每支只是藥水的1/2或以下, 亦慳好多

3)每個禮拜要用果d咩黎?又係咪一定要用??用黎做乜?

答: 個粒野叫除蛋白藥丸, 一星期用一次, 由於眼分泌含蛋白質, 會令對con有漬, 一般的浸洗是不能完全清潔對con, 會令對con積聚了蛋白質而變濛及污糟. 你對con是一個月, 2星期還是一星期的? 2星期的才可能要用, 一星期的就唔使, 因為要丟掉的. 其實宜家的藥水已含去蛋白成份, 每天都可以清走大部份蛋白.

4)因為我唔係日日用到，關於浸con，如果唔用時，要每日換一次藥水、定三日ok?

答: 必要每天更換藥水才能確保清潔. 但要注意, 你對con是多少天的鏡片, 應從開封日起計多少天便不可再戴. 因為鏡片是會逐漸變硬不可再戴.

5)係咪每逢三個月就換一次con盒???

答: 至少2-3個月, 最好一個月, 因為要確保細菌滋生, 若個盒唔用時定時每星期要用水清洗, 風乾之後用con水浸過夜才可再用, 確保衞生

6)彩con唔係one day個種，咁係咪只for一年戴，定戴幾年都得??

答: 唔一定, 市面上有多種, 一星期, 2星期, 一個月如此類推, 你配左邊種, 若果係幾百蚊一對應該可用一段時間. 但你唔清楚應再向你配的眼鏡舖問清楚, 以確保眼睛的健康.

附加資料:

for 幾長年期戴的con較好~

越短時間越好, one day 最好, 因為唔會因為清潔處理不當或細菌滋生等問題令對眼發炎. 若好似你唔係成日戴若要配都要買D一日或7日的以確保衞生

顏色con可配戴的時間~

因為點都會遮住部份眼珠, 會影响視線, 新聞已多次向消費者講每天只可戴最多8小時