5日4夜 北京行程見意

第一日你係去唔切天壇架！
你去到機場都成3點~又要等行李~再搭埋車去王府井~又用成個半鐘(視乎有無塞車)~之後又checkin個d~你可以去行街個時都成五點啦！天壇入唔到架播！買到飛都行唔切！
北京一般要入場票既地方都係五點就關架喇！四點幾就會停止賣票~所以你唔好預到d時間咁緊呀！同埋要一早起身呀！
我建議你第一日去到行左商場個d先~或者去遠少少既地方~例如什剎海、南鑼鼓巷呢d地方~好多特色店同酒吧之類的~好熱鬧~王府井因為好近你住既~所以之後幾日去都得~
長城八達嶺你打算點去？自己搭車定跟旅遊集散中心？如果跟集散既話~你就一早出去(六點半就開架喇)~跟團就穩陣d~跟團去埋明十三陵囉~好搭黑車(隨街兜搭個d要小心)！
798 大山子藝術館開十點不過勁遠=.=又無地鐵到~所以都要早出門！要注意係部份畫廊或鋪頭星一至三會休息或換展品~
奧林匹克公園...我上次無去到~不過真係唔知對外開放未... 因為鳥巢, 水立方我六月底去過係唔俾人入去架(唔係入館內...最近的距離都係百幾米的鐵網外)~要有pass至可以接近的！你最好打去旅行社問下~如果未開係外圍影下鳥巢就閃去什剎海-> 南鑼鼓巷囉！好天既話，什剎海可以夜晚係燈色之下在湖上泛洲~幾浪漫不過唔算平~
太平洋個個我唔知係邊...但Day4個d地點呢....係距離好遠架播=.=||搭車時間都.......=.=
旅遊集散中心：http://www.bjlyjszx.com/
我跟你個版本改少少~
Day 1: (11:00 香港起飛) 王府井附近酒店放低行李 --> 鳥巢, 水立方, 奧林匹克公園/什剎海-> 南鑼鼓巷
Day 2: 天安門廣場睇升旗~ --> 2008奧運倒數時計 --> 長城八達嶺(集散跟團) -->
王府井大街 --> Spa
Day 3: 798 大山子藝術館 --> Soho 尚都, 世貿天階/秀水街
Day 4: 中央電視塔 -->軍事博物館 --> 中華世紀壇--> 馬連道茶城
Day 5: (4:00 由北京回港)(朝早都仲有時間既...如果你早起)
強烈建議你買或借一本正文社出既「北京旅遊全攻略」！！無折都係65蚊！
教你地去~有埋地圖~7-11都可能有得買~你有一書旁身安全好多既~！同埋好多野都講唔哂=x=有佢參考好好多架！我之前去左一個星期都係靠佢！
祝你有個開心又安全既假期！^^