同女仔傾d咩好~

你讀男校，你點都有接觸男仔，同男仔做朋友嘅經驗掛？有好多男仔都想有一個方法，或有一啲話題，可以同唔熟嘅女仔一傾就馬上好熟絡，但試諗番你嘗試同一個唔熟嘅男仔做朋友時，你會唔會expect大家一傾就馬上一見如故啊？大多數情況都係大家初時係一句起兩句止，然後發覺對方慢慢對自己所講嘅野有回應或共鳴時，大家可以傾多啲偈，再過一排，大家都會覺得對方幾啱傾，咁就自然越傾越好傾，於是成為死黨。
同唔熟嘅女仔相處過程係一樣架！初時都係講句「早晨」，「今日好似會落雨，你有冇帶遮？」呢類嘅廢話，但慢慢你會發覺原來一句起兩句止嘅廢話，都會令大家越來越熟絡，於是遲啲話題會多啲，慢慢又再多啲，到時你唔使再諗同佢傾乜野，你自己會知道要傾乜野，因為大家已經熟悉對方啦嘛！
你今次問呢個問題，無非都係想識女友啫！其實男仔天生已經有吸引異性嘅力量，因為異性本來就係相吸架嘛！但如果你成日諗要同佢傾啲乜野好呢？你嘅表現就會越來越唔自然，而一個男仔與生俱來嘅魅力會因為你嘅唔自然而急速消失。有好多男仔研究同女仔傾啲乜野好，其實越研究就越做作，越做作就越冇吸引力。
真正嘅追女仔過程係，開頭大家唔熟時，一句起兩句止無乜所謂，大家未熟咁係好正常嘅，相逢恨晚你唔覺得反而仲反常咩？但千萬唔好完全唔講野，亦唔好夾硬冇野講搵野講。
然後過多一排，大家只要keep住有接觸，個女仔再怕醜都會同你慢慢熟絡，於是佢自然會多點對你所講嘅野有回應，於是你會因此更有自信，就更放膽講多啲唔同嘅野，佢回應又會再多啲，係一個良性循環。過多一排，可能幾個月，大家已經可以好好傾。
而重要嘅係女仔好容易會對一個同自己好傾嘅人傾心，你就好容易成功。
追女仔唔夠經驗嘅男仔會將重點放喺鑽研傾乜野話題；識得追女仔嘅男仔一定係將重點放喺時間，一步一步嚟，由於唔使急，自己嘅表現就會自然啲，而談吐自然係一個男仔最能夠吸引女仔嘅特質，加上上面提過嘅良性循環，個女仔最後會對個男仔傾心嘅機會好大。
你研究同女仔講乜野話題係諗錯方向。

其實咩都可以傾,最好傾男校會發生d咩事,因為女仔唔會知男校d野,傾傾下可以講下鬼故,又講下喊野,因為女仔都好愛e一d話提,之後又傾下電話,出下街,女仔多數唔會同男仔單獨出街因為好尷尬,女仔會叫堆
friends一起去多數都係女仔朋友,所以1成10,10成8咁就有好多女仔朋友,咁多女仔朋友,好容易有女朋友啦~~

梗係傾八卦新閒同靚仔明星啦！
係女仔都傾呢d野嫁啦！