有電，但撻不著車

可以問你２個問題嗎?
1) 你舊電幾時換過? 一般車電池可以用２,３年左右就到期.
2) 舊電係環保定水電? 環保電就睇吓電池頂上個窗仔裹面係綠色定黑色,(黑色係到期,打柴)水電就睇吓有無電池水(水位要過晒啲金屬片)先.
你形容撻車時聽到一吓好短起動聲,但撻唔着.過幾個鐘再撻,把聲更短,最係撻唔到.係個電池Ａ數太細,無力推個士撻.(撻車時直接攞電池啲電,同好食電.)原因有幾個
a) 電池到期(打柴) - 買個新電池,換咗就ok.
b) 水電電池水不足 - 加足電池水,再回差一吓又無事.
c) 電池頭接觸不良 - 將電極接頭收緊就可以.
d) 電路 - 要揾車電工跟吓.
e) 打藍磨無回差 - 同電路一樣要揾電工.
f) 起動馬達(士撻)有事 - 要揾車房師兄啦.
除咗買電,換零件外,其他維修都係少問題,少少錢就ok.
希望對你有幫助

2008-07-15 16:08:06 補充：
仲有一個問題要問.你話今日想用車,部車就撻唔着.想問吓部車有幾多日無用過,同有無開咗燈,音響之類無熄就行人?

如果有電,但係撻唔著車,係唔係聽到DA DA聲?如果係,有可能發動機(starter)有問題!可以試下搵d硬野輕輕敲下starter,同時搵人撻車,睇下著唔著!如果著就要換starter!如果係棍波,可以試下推著架車(push start),不過必需要小心!容易發生危險!最好去車房比車房師傅check check!

你試下搵人幫手
首先用電壓表在電池上量度,是12v的話不要放手,叫你的朋友撻車,你看看電壓是否低於10v以下,如果是,你試下拎個電池出黎叉叉佢,又或者用別車子搭過江龍撻車,如果都撻不著的話,你試下抺抺火咀,以上都撻唔著車的話,那你要搵人check下架車了

電池弱. jump start 用過江龍, 或更換電池

有check過會否是火咀有問題嗎?又或者會是你車的供電系統有問題...我試過同樣情況...如果你確定電池有電的話,大多會是供電機壞了...要找師傅處理了,換一個二手不會太貴的...沒有聲音多數也都是電的問題...