請問有無人知淨租裙掛幾多錢????????

1.有無又平又靚好介紹? & 4.地址/價錢?
答：你可以去金都地下嗰間『榮華』(即商場入口左手面嗰間)，佢啲褂真係好新，佢有分grade(即出門次數)
www.wing-wah.com.hk


2.我想要啲好質素啲?
答：我結婚同佢地租左件『五福褂裙』(外租 5 次以內)原本$680，可講價到 $628！但套褂出黎既感覺，嗰嗰人都以為係『頭褂』，啲紅色真係超 sharp，可想而知真係好新好靚，人人都讚！物有所值！
佢有啲褂平啲既，唔係五福，小五福 (即少啲金銀線),,外租 5 次之上，就開始平啲，$380 - 480左右！


3.賣又化唔化算?
答：梗係唔好買啦！買套褂好貴架！你都係朝早出門著一著，夜晚去到酒樓斟茶時再著一著，之後就放埋一面，唔通真係想將套褂『代代相傳』咩！到時嗰款到 out 啦！計落唔多化算....

我喺早兩個月結婚,睇下幫唔幫到你

1. 你想要咩類型既褂先,珠仔褂,卜線褂,金銀線......... 有時會展既promotion會平啲.

2. 租,你就要預咗較舊,尤其係啲主打租西式婚紗晚裝既店舖. 本人租褂就去咗間中式裙褂店舖,其餘去返啲西式婚紗晚裝店舖. 而間中式店話佢地既褂只租十次出街,之後就會賣俾西式婚紗晚裝既店舖.

3. 買呢個問題...都係嗰句,你首先想要邊一類褂先,因為褂係繡線上去,所以越多線,越多手工就會越貴.租就平過買好多,不過租頭褂都唔平

4. 我之前租嗰間喺尖沙咀樓上舖,你有興趣我都可以話你知,而我有個friend過多兩個月結婚,佢喺旺角租,都ok架
我同佢淨租褂都係around $600-1000左右

2008-07-14 16:54:37 補充：
我自己租嗰間最平$380有交易,但要氹佢俾個promotional price 先係咁既價