canon G9鏡頭配件問題

簡單點來看，數碼相機鏡頭的成像原理等同一片凸透鏡，將自景物反射出來的光線聚焦在感光元件（焦平面）上，成為一個清晰的畫面。不同曲率的凸透鏡，能夠將光線聚焦在不同距離後的焦平面上，而且曲率愈高的凸透鏡，聚焦時所需要的距離也愈短。為統一起建，在物理學原理上，凸透鏡的曲率便以透鏡將自無限遠投射過來的光線聚焦到焦平面時，透鏡與焦平面之間的距離來計算，這個距離便稱為焦距.不過其實唔駛研究到咁深入,你只要記住焦距越短(數字越細),影既景物越多,焦距越大(數值越大),越可以把遠景拉近變大便可以.
要了解唔同焦距可以影多咗幾多嘢同埋可以把遠處景物影得多大,可以參考以下網頁,只要將把呎推去唔同mm就睇到實時效果.
http://www.tamron.com/lenses/learning_center/tools/focal-length-comparison.php
WC-DC58B可以將焦距乘0.75,令鏡頭變得更廣角,G9本身最廣角焦距是35mm,加了之後最廣角變了26mm,但遠攝同時會變得差咗,得翻156mm.
WC-DC58C可以將焦距乘2,令鏡頭變得更遠攝,G9本身最遠攝焦距是210mm,加了之後最遠攝變了420mm,但廣角同時會變得差咗,得翻70mm.
兩支鏡配合用可以覆蓋26-420mm焦距,照計就係16倍光學變焦,但呢個數字要透過換鏡先可以達成.唔加鏡或只加任可一支鏡依然係6倍光學變焦,你係唔可以同時加兩支鏡的.
上山頂影夜景係咪要加鏡視乎你想影甚麼,G9本身都有210mm遠攝,其實已經唔錯,影景來講長焦距唔係好常用,除非你想影人地屋企裏面做緊甚麼.
至於加廣角鏡或者有幫助,可以影多啲景.
幾時會用到呢兩支鏡就係當你唔夠廣角(例如影合照但退到盡都影唔晒所有人)或者唔夠遠攝既時候(例如想影人但個人太遠影得太細).
最後就係加鏡一定會影響光學質素.啲相會比冇加鏡既差,G9本身焦距影得到既千萬唔好加鏡,加鏡只適用於需要26-35mm及210-420mm時.
仲有G9係唔可以直接加呢兩個鏡的,你必需要買多一個轉接器LA-DC58H