女兒已2歲多還要喝奶急問

我個仔而家2歲3個月，夜晚飲左奶訓，有時半夜醒左佢都會要飲奶
因為可能佢係習慣飲完奶就訓覺
起初我都會開比佢飲既，不過飲左幾之我覺得唔對路
所以我就唔比佢，如果佢訓訓下醒左
我會一路拍佢，一路同佢講' 你訓住先啦我一陣去開比你'
(因為其實佢係眼訓架，可能急尿醒左或者發夢醒左姐)
一路講一路氹佢訓，訓著番就唔會再叫飲奶喇
所以我都覺得係一種心癮

但係佢如果果晚食得好小飯或者唔舒服，半夜佢要飲我先會比佢飲既。
如果拍佢都唔訓既話，你就試下開稀D比佢
慢慢越黎越稀，之後就慢慢減少個份量
佢自然就會飲小D架喇

另外我之前睇過一個外國既BB節目，佢就係講有一個小朋友
都3,4歲，習慣左半夜要飲一支奶先再訓
個主持人都係咁教佢，仲教佢由大樽改用細樽
等佢慢慢越飲越小，結果都成功左

希望你都成功啦，加油啊~

我哥個仔食到而家四歲都係咁,
訓前已經有食奶,
半夜仲要起兩次身食兩次,
每次3安左右....
有幾日我同我個BB去佢到訓,
我笑佢 "BB都唔食夜奶, 你咁大個仲要食!"
之後佢幾日都無食,
不過我一走左佢又食番!
呢D可能係心病, 唔食唔安落...

妳說出的半夜是幾點？？？我仔仔今年四歲半多,每晚睡覺前10:00左右都會俾佢喝一杯奶才睡覺,一Ｄ都無問題（用奶粉沖）喝奶係可以比小朋友吸收平時缺小既物質（因為我的小朋友不太喜歡食肉）！係好事來既,所以如果佢原意喝可以喝倒七至八歲都可以！！！但妳如果講既半夜係半夜三,四點我估就要睇醫生！

其實我細佬同你個女都差唔多大，我細佬同你個女一樣半夜都係還要喝奶---------其實最重要係睇佢自己個人的需要~我個人認為如果佢飲既個種奶係有營養而又唔會太肥既話，飯多d都冇所謂啦~不過最好就唔好比佢飲太多，因為如果日日都係咁，就會令佢入讀幼稚園個陣都會咁!所以飲適量就夠啦~