旅遊會籍0.0.0.0

我買左1年左右佢地本來話我係中左獎上去攞，點知上到去被佢地成班職員圍攻，本來話9個字至1個鐘就完成展覽，點知我7點鐘上到去被佢地成班人狂噴一大堆廢話，仲叫我要熄左部手機佢，連震機都唔可以，我已經有少少懷疑佢地d手法，不知不覺被佢地搞到差唔多零晨1點，佢地話我唔完成個展覽係無得攞獎品，所以要聽佢地齋up到幾粒鐘，之後又係咁問我可以攞幾多錢出黎旅行，我話經濟拮据，無乜錢，但係佢地係都要我講到個數出黎，最後尾我比左5000~月月供幾百要供到{60000}，佢就話呢個離開左佢地公司既要求好多，但亦都會幫我嘗試fax去新加坡公司幫我問下可唔可以俾我做VIP會員，過左幾分鐘就同我講，恭喜晒你可以加入我地做VIP會員，我心諗有無咁兒戲呀！之後我話想走，佢地話我已經做左VIP會員，一定要攞戶口number同埋俾首期，仲要我即時簽約，唉.......點算呀，有冇邊位知道可唔可以取消份合約呀，同埋取消會唔會被人告毀約同罰錢架，呢個係我最想知道既問題，而家只要取消份約，我就安樂架喇，唔該各位哥哥姐姐幫下小弟啦，呢個計劃好似仲會一世添孭呀！ 我好怕唔知點好~一路供左幾個月~~係唔係真係要供一世