(急)琵琶魚會唔會襲擊其他魚

唔好再將清道夫同工作魚當係同義詞。你係新手被魚販混淆我冇問題，但如果上到o黎答得問題o既，起碼都要有相當知識，亦應該自己分得清楚一ｄ基本資料，要知道「擇善固執」。
我引用我o既一個舊答案〔http://hk.knowledge.yahoo.com/question/question?qid=7008061000153〕，如果你要揀工作魚的話，可以參考下：
養o黎清理缸中沉到缸底o既剩糧，或者食下青苔／藻類o既魚類，我地一般統稱為「工作魚」。
剩糧：
鼠魚，常見o既有藍印鼠、黃翅珍珠鼠、白老鼠等（約＄２０對）。
留意市面好多魚都冠以一個「鼠」字，但係其中有ｄ魚三間鼠、Ｙ紋鼠等，個樣係生成另一個嘜頭o既，呢類唔係鼠，係?（catfish）科o既，唔係佢地唔食剩糧，但佢地仲會挖土，仲好多都好大條，三間鼠就可以去到成尺！鼠魚最大就若三寸。
青苔／藻：
簡單地講，所有嘴成吸盤狀o既都得，最小型o既係小精靈（＄２０四條），兩寸左右，出名效率高，但不少玩家都養唔長。另一好選擇係小鬍子（最小型o既琵琶品種，近＄４０一條），最大四寸樓下。其他琵琶有ｄ係可以大到龍吐珠同缸o既（如街邊一盆＄１０大大條o個ｄ），唔好貪平！有ｄ係效率唔高o既（如所謂「隱型戰機／ｆ１１７」），唔好亂買！
金清苔、清道夫（同種，後者係原種）體型可以有近四寸；飛狐比較大或有破壞性／有食糧食時唔食藻，我諗你個缸唔適宜。
＝　＝　＝　＝　＝　＝　＝　＝　＝　＝　＝
工作魚中，真正o既清道夫／金青苔同飛狐比較有攻擊性，琵琶就唔會。以你o既魚之中，小王子同藍班馬係非州慈鯛，地域性強，係出名o既惡魚，如果係因為魚之間互相攻擊，死傷唔會係佢地－－除非只係佢地窩裏反唔打其他魚，但咁o既可能性唔大。
但就憑你「買左好多條藍燈, 王子, 米奇, 藍班馬」呢句，咁我就要問下啦：
你個缸有幾大？有幾多條魚？係唔係新開缸？有乜器材？
簡單咁講，一個缸新開，濾水器裏面處理阿摩尼亞等氮化物o既菌唔多，一次加得多魚入去，好易死魚；而參考數字係個缸每升水可以 support 身長１ｃｍo既魚，多過呢個比例為之超養，對過濾系統效能要求就會較高。
而新買o既魚有冇病？有冇對水對溫先入缸？
建議你參考下我呢個舊答案，相信對你好有用：http://hk.knowledge.yahoo.com/question/question?qid=7007100802243

琵琶魚係清道夫既一種,
佢只會清潔魚缸,
食既都係藻類、魚屎等等,
一定唔會食魚~
不過唔排除會食細魚仔!!!
你買既魚當中,
王子係好惡= =
你咁樣混養佢地,
唔死魚就奇啦......
米奇唔死,
可能係佢醒目姐 = =
你最好快d隔離d王子先....
如果唔係,
你買極d魚都係死~
你想要既係靚仔定勤力既先??
靚仔d既,
金青苔就唔錯@@
要勤力的話,
白老鼠、花老鼠就好勁,
我有養三條呀,
日日都幫我食晒d屎,
超正~
要又靚仔,又勤力既,
就要買小精靈啦,
人地放佢係水草缸度,
話佢好勤力,
不過白老鼠、金青苔都係12蚊/6條同10蚊/4條,
而小精靈就25蚊/2-4條
我覺得貴,
所以都無買到~