[ 斑馬知識+挑戰]点解人类要有5只手指？

答案可能要樓上georgeoh大為失望: 人有5隻手指, 係因為人係 [原始] d, 而唔係 [恩賜]!!
好奇怪咩? 大自然既選擇嘛. 原本最早既哺乳類動物係5隻手指. 進化過程中, 豬, 羊等將一d唔用既手指減少, 只係x_ray至睇到剩餘既指骨, 外面睇只有2指. 鹿, 馬等仲得番一隻添. 係咪比人類先進得多呢!
咁人, 同猴子, 鼠類, 點解要保留5隻手指咁多呢? 原因係, 我地大家都需要攀爬. 人類既祖先住係樹上, 同猿猴, 鼠輩係鄰居, 多幾隻手指非常有效咁捉實樹枝或攀藤植物, 安全好多! 又點可以好似係平原上生活既 馬呀, 羊呀咁, 進化到放棄d手指吖, 係咪?
後來, 因為人類 [有5隻手指], 而學會[使用工具]; 就唔係因為 [要用工具] 而生出 [5 隻手指]. 因果不能掉轉!
至於樓上講 叻d, 係咪用手指計數會叻d? 咁八爪魚咪好叻囉.... 關咩事呀?? 咁牛同大象食野比我地又快又多, 但佢地得一隻手指又點計? 關咩事啫.
在下相信, 世上既野, 事出必有因. 下下都係: [上天既旨意] 的話, 大家唔使研究科學, 番屋企暱埋, 祈禱就咩都得.... 咁又點學到野, 又點會有進步呢?

2008-07-18 10:19:24 補充：
嘗試再答:
由魚類豋陸成為兩棲類, 胸鰭演化成前肢, 就由胸鰭既十幾支fin rays一下子減到5隻手指. 臀鰭又係十幾支fin rays一下子減到5隻腳趾. tetrapod四足類1,2,5 既骨骼型態由最早既兩棲類已經形成. 即係, 一根骨[humerus/femur]2根骨[radius+ulnar/tibia+fibia]5隻手指/腳趾.

2008-07-18 10:27:02 補充：
四足類再演化, 進入不同的生境, 因而將 [減指] 呢個動作繼續. 即係, 由5隻一路減落去. 減左既手/腳趾, 其實係x-光片仲可以見到, 就如人類既尾龍骨. 有d生境例如平原地區, [減指]有利生存, 但就冇一個生境需要特地 [加指]. 5 隻而經足以爬樹, 就算有某隻動物因突變而有6趾, 亦不足以令佢生存上有任何著數過人之處. 咁多出一隻手指就只會虛耗資源, 反而不及5指, 剛好足夠, 又符合經濟原則.

2008-07-18 10:32:11 補充：
至於4指係唔係足夠呢? 何以6指又係太多呢? 唔使我地去諗. 有爬樹既動物係百萬年來, 用佢地自身做既實驗, 就得出[5 指就足夠]既結果. 不止人類, 所有猿猴, 貓, 熊貓, 無尾熊[樹熊]... 不同種類既爬樹動物, 都無需要6隻或以上既手指.

2008-07-18 10:38:17 補充：
忽發奇想: 現在人類唔使靠爬樹生活, 不過, 上網打字就最好用齊10隻手指, 打得最快.

假如有一日, 打字成為生活既必需, 打字快既人生活富裕, 打字慢既人沒錢結婚生仔, d人再發明出用12, 14隻 手指打字既鍵盤, 令6指/7指既人打字比常人更快.... 可能人類就會進化成多於5指既 ... 動物 啦. [係新品種, 可能唔可以叫做人類, 叫住 動物 先啦.]

係上天嘅恩賜!等人類計數同食嘢都方便啲叻啲!