有關DVD碟問題 (錄唔到) - 急

1. 用DVD+RW或者DVD+R錄影既質素係冇分別的,大家都係相同數據.唔同錄影帶.
DVD+RW比較貴因為佢係可以重覆使用,只要刪除錄咗既嘢,佢可以再錄其他嘢,但DVD+R就係次性的.
新碟唔可以錄影有機會係碟既品質有問題.你可以試下搵第二隻新碟睇下錄唔錄到,有時一隻半隻有事唔出奇.
2. 通常舊出既碟先會係4X,新出既多數都會係16X,數值大啲代表佢可以錄得快啲,其實應該反轉先啱,越錄得快應該越易死碟,不過而家既技術16X應該冇問題.如果你只係直接錄節目落隻DVD度,咁4X都一定夠,但係有啲有硬碟既DVD錄影機有個高速硬碟過DVD模式,可能會快過4X都未定,所以穏陣計,都係買16X既比較好.
3.我自己用過Imation,Kodak同 Sony既DVD,都未出過問題,你可以考慮下.