聽你咁講........帶左隻新貓返黎之後你隻貓就開始隨處便便，首先我認為呢個會係其中一個原因，但係應該要全面Ｄ，要ＣＨＥＣＫ埋係唔係生理因素，有機會係心理上+生理上既因素各佔一半，我曾經睇過一本外國貓既心理醫生書，裡面有提到如果有寄生蟲呀..膀胱發炎....肛門腺果D都會令貓貓唔係便盆便便。
根據我依稀既記憶，書裡面仲講到要治療隨處便便既貓，平時你可以做到既同埋要留意既係，
１ 個貓砂盆一定要乾淨，如果太污糟佢地會唔去，我自己就一日產３次便便，每個星期就換哂Ｄ砂（你可以依照你自己實際需要去做）同埋你清個盆果陣先祈唔好用有香味／好大陣味既清潔劑（如：檸檬味），唔係佢地都會唔去盆到便便。
２ 如果平時用開Ｄ粗砂既話...可以考慮下D細砂...EVER CLEAN無香味果種....網上有得買...大概120/14磅....我D貓貓就好鍾意呢D砂...但無用開就溝砂用唔好一次轉哂
３ 你個砂盆要放係Ｄ當眼方便佢地去既地方，最好一隻貓一個便盆。
４ 貓係好鍾意乾淨，除非係成日比人困住係好細既籠既貓先會係自己食野既地方附近便便....所以我認為，可以利用呢一點，先係佢之前亂便便既地方，用Ｄ去除異味既ＦＯＲ貓狗既清潔劑去左果Ｄ便便味先，徹徹底底清潔一次。之後每日兩次都係呢Ｄ唔應該便便既地方餵佢食佢鍾意既零食，我係蘇菁菁果間O.I.C買左罐天然牛肉乾粒..有3種味架...都幾健康呀..我D貓一聽到個罐聲就走哂埋黎,,.你可以試下@@
５如果一發現佢想係便盆以外既地方便便.....就要即刻制止佢..你可以拍掌呀.整D聲音阻嚇佢繼續...但如果你屋企唔止一隻貓...或者可以試下用玩具水槍射亂便便果隻貓不過唔好比佢見到係你射...佢受驚就會走左去......隔幾分鐘再抱佢返入盆....讚下佢鼓勵下佢。千祁唔好打佢><如果佢真係有係盆到便便就比D小食佢獎勵下....目的係令佢明白只要係便盆便便就可以得到極大既獎勵....相反就會受到懲罰。如果佢淨係企係個盆而唔便既話就唔好比小食佢。
６同時你應該每日增加你同貓貓既互動時間，每日到抽１５－２０分鐘抱佢去安靜Ｄ既地方，同佢傾下計，摸下佢，同時餵Ｄ佢鍾意既小食，咁樣都可以化解貓貓既不安感。
７ 仲有仲有，你要關哂所有唔比佢入得既門呀～～避免佢再亂便便，如果你屋企許可，當你唔係屋企果陣，最好將隻貓貓困係房，擺哂砂盆，水同糧，貓草玩具，同埋有係氣味既衣服，仲有可以錄低你把聲，教定時間播返比佢聽等佢仲以為你係屋企，減低佢既不安感。但記住唔空氣一定要流通呀～～唔係焗親就麻煩。
８同埋你可以試下，有Ｄ貓貓好唔鍾意Ｄ鍚紙聲，當你係屋企果陣就鋪Ｄ鍚紙係佢會亂便便既地方，咁樣可能佢會唔亂黎。哈哈～～
我好似講得好亂，諗到就講＞＜不過希望以上有其中一樣可以幫到你啦～～～
同埋你無講佢同隻小貓相處成點？？？我宜家都係煩緊新貓同舊貓既相處問題～～～現在積極治療中～～＞＜
如果你呢方面有咩問題可以大家交換下心得
我ＭＡＩＬ係
[email protected]
2008-07-26 21:27:58 補充：
哦~係梗架啦......D貓其實某程度上妒忌心都幾重......不過你貓貓宜家有抗拒感......都唔知道係好事定唔好事................如果佢地太親...有一日小貓走左...你貓貓分分鐘會茶飯不思............
2008-07-26 21:28:04 補充：
你屋企人有無餵下佢食小食???因為我個人認為家庭系統性治療都好重要....要是隻貓貓對其他屋企 人都有信心有安全感....咁教起上黎都易D.......始終你唔可能日日都係屋企.......你D屋企人鍾唔鍾意佢地@@??可唔可以幫幫手.....同佢培養下多D感情~~有時我覺得貓係一種...........一旦習慣左就唔想有咩改變.........如果佢習慣左你D屋企人....對佢地有信心..........對你同你屋企人都會好D~~^^
