是否杜牙根一定要做牙套?

關於這個問題, 我都問過牙醫.
杜牙根, 正確名稱是根管治療或牙髓治療.
蛀牙是由牙表面漫延至牙髓, 嚴重時, 細菌會從牙髓經牙根部分擴散到附近的牙周組織, 引致發炎或膿腫, 如果情況未係好嚴重, 一般都會進行牙髓治療, 目的是要把牙髓壞死的組織清除, 以阻止細菌漫延至牙周組織及牙槽骨, 又可以保留番隻牙.
不過牙髓組織是包括有神經線的, 所以杜牙根之後您隻牙就吾會再有感覺, 其實隻牙基本上已經沒有生命了, 會好脆弱, 會有機會裂開... 到時就保吾住隻牙了.
所以, 牙醫通常都會建議您做牙套 = 人造牙冠, 作用是保護隻牙, 咁就耐用D啦.
做牙套每隻大約要$3000-4000.
如果無左隻牙, 種牙要成二萬蚊一隻, 普通假牙又吾耐用.
當然, 經濟情況吾許可之下, 您可以吾做牙套的, 那麼平時就要避免咬硬野, 例如果仁及貝殼, 酸野及香口膠都要少食.

2008-07-12 01:59:04 補充：
政府有個關於牙齒的網站幾好的, 去睇下.
http://www.toothclub.gov.hk/chi/adu_01.html

杜左牙根隻牙因為無血管到，供給唔到養分，隻牙就會乾涸，好容易咬裂。所以要做牙套保護它。
我有2隻牙杜左牙根，一隻有做牙套，另一隻就無做。無做牙套因那隻是最入的一隻大牙，牙醫話唔係好需要用佢來大力咬食物，所以唔駛做牙套。

如果你果隻牙有咁既需要( 杜牙根先做牙套 )...都係要做....
個個人都唔同....有d人真係杜左牙根唔使做牙套架....
但係你果隻牙....醫生話杜左要做牙套既....一定係有咁既需要佢先叫你咁做....

嗱..我自己都杜過牙根既..咁但係我就冇做牙套既!!!
咁我自己既同事佢都有杜過牙根有整到牙套既...咁我問過佢點解要做牙套..佢話佢係因為自己隻牙(住)得太勢利,所以個牙醫幫佢削左D唔靚同壞死既..咁所以就1定要做牙套套返隻牙囉!!!我唔知幫唔幫到你啦!!!不過哩D係我同我同事既經驗...同你分享1下...希望對你有幫助啦^^