機場check in及入閘程序 (跟旅行團)

如果跟團，你唔需要咁擔心
因為所有野都有旅行社職員代勞
通常係出發前一日，你ge領隊會打俾你
話你知機場ge集合時候同提醒你要帶齊證件和要注意ge事項
當你去到機場集合點後，領隊會幫成團人check in
佢會收你ge護照
然後會叫你張寄倉行李放係指定地方
等齊人之後，領隊會集合團友再同你地講解下要注意ge事
同埋話你地知之後ge集合時間
因為成團人要辦check in手續都需要1d時間
所以領隊通常會叫你地行一陣，去食個早餐先
再係指定時間集合~派返護照同登機証俾你
登記証上面會有你ge個人資料，登記閘口同登記時間
領隊唔會帶住你入閘架，而係會話俾你聽應該幾點到達閘口
佢會係閘口等你
因為旅行團集合ge時間都好早~所以領隊幫你check in之後
你都仲會有好多時間，你可以周圍行下
又或者買本雜誌，去到登記閘口果邊坐底慢慢睇(通常我都會咁做)
希望我ge答案幫到你啦~
圖片參考：http://tw.yimg.com/i/tw/ugc/rte/smiley_4.gif

去到機場集合地點後, 首先搵左你果團ge領隊先

然後佢會教你點 check in, 有時會係領隊集合成團人ge行李一齊 check, 有時會係領隊比機票你, 自己行去航空公司櫃檯 check, 視乎邊間航空公司, 到時領隊會教你點做。

寄倉行李 check in 時寄埋就得架喇

check 完 in, 櫃檯職員/領隊會比番張登機証你, 登機証上有航班資料、入閘口及上到機後坐咩位等等, 但入閘口有時會改, 所以入到禁區後記住都要望下航班資料果塊牌, 你果班機係咪果個閘口上機

唔同領隊唔同做法, 有 d 領隊會同埋你一齊入禁區, 不過而家多數都係 check 完 in 就放你自己行, 記得留意番時間, 唔好咁 "文" 至入禁區, 因為入禁區後要過關 check 行李, 如果唔好彩個閘口遠, 仲有排行...

入左禁區後用香港身份証及登機証過關, 之後手提行李過 X 光機, 關員會叫你企定, 佢會用一個小型儀器掃你個身體, 檢查有冇可疑物品

檢查完之後就可以入去候機大堂, 有好多商店, 有時間的話可行一陣, 留意返時間去閘口等上機, 有 d 閘口好遠, 要坐 "無人駕駛", 都係果句: 唔好咁 "文"

去到閘口, 可以坐底等等, 如果上得機, 閘口職員會宣佈, 咁 d 人就會排隊, 手持登機証比閘口職員檢查, 跟住就可以上機架喇。不過有 d 機要駁巴士ge, 排隊 check 完登機証之後出去, 會有架巴士等緊你, 架巴士會載你去架飛機度, 落巴士後行條樓梯上機。

* 留意去到目的地後, 領隊通常唔會帶住你落機過關o既, 佢通常會約你o係行李輸送帶等, 落機後你跟住自己機ge人行, 過完關, 去行李輸送帶搵領隊就得架喇。


簡略程序如下：

1. 搵領隊 check in + 寄行李
2. 入禁區過關、check 手提行李
3. 搵閘口
4. 等上機

2008-07-13 18:21:59 補充：
如果你的手提行李內有液體、凝膠或噴霧類物品, 請預先用密實袋袋好 (細則旅行社的茶會資料應有講, 亦可參考機場網頁)

手提行李過 X 光機時將密實袋取出交給檢查職員, 然後將手提行李過 X 光機, 不論是旅行袋或是小型的手袋、背囊, 全都要放入 X 光機。之後職員會比個盤你, 如果你有一些隨身的私人物品 eg. 電話、MP3、相機等, 可放入盤內, 之後職員會用個小型儀器掃你個身體, 因電話等物件會令個儀器響的, 所以一定要取出, 檢查完後可取回你的私人物品及手提行李, 便可入去候機大堂了。

咁你到咗機場咪去搵個導遊先.

咁你咪比d要寄倉既行李佢, 但你記得係行李牌到寫低你一些個人資料, 例如:你的名字及電話號碼, 因為萬一寄失或有人拿錯都可以找到你, 寄倉行李牌個導遊會比你架. 記得唔好帶咁多液體上機呀, 因為唔可以超過100ml架, 如果超過, 你記得要寄倉呀.

如果你早到, 佢會叫你行一陣先, 幾點鐘又係邊度再等,(因為有d人未到丫嘛) 到時佢會比機票你同埋話你知係邊度上機.

有d導遊係你報到時會比埋機票你, 等你過海關後, 自己係裡面行下咁囉

咁你咪自己過海關同埋到個個上機閘口等上機囉, 過咗海關後都好多地方可以行同埋買野架, 仲有野食買添丫, 仲可以影下相咁囉. 記著唔掛住睇野, 搵定上機既閘口係邊樹先呀.

咁你差唔多咪上機囉, 上到機上, 你比張飛個空姐睇, 個空姐會話你知你坐係邊樹呀.

如果你呢個行程係有導遊同你一齊去既話, 佢會黎搵你, 話你知落機後係邊樹等.

如果你呢個行程係無導遊同你一齊跟機既話, 佢會幫你攪掂寄倉行李後會立即比機票你同埋講你知落機後係邊樹等個邊既導遊.

我係諗到咁多先, 再有既話先再補充.

祝你玩得開心d.