台灣有華西街、新加坡有紅燈區，為何特區政府唔將妓女規範化，任由黑社會侵吞？

喂喂喂, 聽講陳水扁做台北市市長果陣, 已經將華西街嘅娼妓事業立例禁止左個路BOR...

而家, 華西街已經唔係合法嘅紅燈區黎個喎.... 聽講.... (雖然小弟未去過台灣...)

「到二零零一年三月二十六日緩娼期屆滿，從此公娼走入歷史，同時也宣告：台北市的性產業，全面進入地下化的開始。」(資料來源: http://reminiscent.creativity.edu.tw/wao/fun_02.php)

乜馬英九上台(做台北市市長)之後, 撥亂反正, 又再將娼妓合法化咩? 未聽新聞講過嘅??

2008-07-11 16:23:37 補充：
我打算遲D去新加坡玩喎, 唔知果度嘅紅燈區喺邊處呢?

2008-07-18 15:16:11 補充：
無錯，男人三寶－－黃、賭、毒，我樣樣都有窿路，無計啦，而家大陸改革開放丫嘛。如果丫發生有興趣嘅話，我可以介紹一下由阿公照住嘅「愛國的黑社會」渣fit嘅蒲點俾你個喎。

不過，俾人喺個答案果度點名提到自己對中國改革開放嘅「新興行業」好很熟悉，我諗，我都要抽Ｄ時間黎答下呢條問題喇。

丫發生，延長發問丫唔該。

2008-07-18 15:23:36 補充：
講到性行業呢家野呢，我都係好很支持香港傚法荷蘭、日本呢Ｄ先進發達地方嘅良政個喎。

好過大陸果Ｄ官咁，擺明車馬玩貪污，攪到嫖者擔心、窮者流淚啦。（窮到冇錢俾「第二份差餉」嘅性行業商人、性工作者，同埋冇錢俾「贖金」俾公安嘅嫖者，咪要喺監牢度唱「冇自由、失自由，傷心痛心眼淚流」囉。）

2008-07-18 15:30:05 補充：
仲有，中港兩地嘅「黑社會」，好多都好「愛國」，佢地可以從事性工作業務，最重要嘅，唔係客路囉（因為客路就一定有架喇，有Demand，先至會有supply），關鍵係佢地背後有阿公照住囉。

中港兩地嘅性商業，係咪俾愛國嘅黑社會「侵吞」左？唔好講笑啦，佢地有定期「交稅」架，只不過佢地「交稅」嘅方式同我地呢Ｄ昇斗市民、市井之徒唔同咁咋－－我地交稅，稅款就入政府庫房，做「為民舒困」的公敞；愛國嘅黑社會交稅，稅款就入官員富房，做「為黨舒服」嘅公糖。明未？

2008-07-20 22:21:30 補充：
唔係同問題好很有關係嘅前言

首先，小弟需要多謝共慘黨嘅改革開放政策，如果唔係因為共慘黨由呢個共慘主義走呢個「腐敗」嘅資本主義路線，我地呢Ｄ普羅大眾都唔可以返大陸享受呢Ｄ「價廉物美」嘅「服務」。眾所周知啦，香港乜都貴過大陸嘛。

不過，就算講返香港嘅「高增值服務」，呢Ｄ「高增值服務」嘅產地來源，都係中國大陸。多謝由大陸官員負責批出嘅自由行、雙程証，可以令到香港嘅「服務」喺中國大陸嘅相關「服務」以雷霆萬鈞之勢加入競爭嘅同時，能夠得以繼續生存，讓小平伯伯對香港人嘅承諾能夠兌現：「錢照賭、雞照叫」。

除左「跳茶舞」呢Ｄ資本主義腐敗嘅生活之外，後生仔、學生哥仲可以返大陸欶Ｋ Fing頭，喺大陸做野嘅同胞、港燦，又可以隨時上網、打電話去賭波、賭馬、賭狗、賭六合彩。喺共慘黨光榮嘅指揮底下，黃、賭、毒呢Ｄ敗腐嘅資本主義生活，真係各適其適，唔單止應有盡有，連唔應該有嘅都有。

＊＊＊＊＊

講講乜野係規範化先，唔好俾Ｄ知少少扮代表嘅人亂up黎魚目混珠。

講到點解特區政府、中央阿公唔效發荷蘭、日本等發展國家嘅良好施政，將性商業規範化？首先，從樓上「知識庫將軍」嘅言論入面，好容易見到，好多人都唔知道乜野係規範化，乜野係非刑事化、合法化。好多人都將「合法化」嘅觀念一轉，成為左「規範化」嘅意思，以為只要政府唔立法阻止你去做，咁樣就叫做「規範化」左。有呢種咁嘅錯誤觀念嘅原因，其中一個可能係因為無知，另一個可能就係想引用李天命先生所講嘅「詭辯技倆」－－概念滑轉，希望咁樣就可以轉移視線，混淆視聽（詳細就自己睇下《李天命的思考藝術＜思維方式與獨立思考‧第３類語害：概念滑轉＞）。

樓上果位知識庫將軍話：「特區政府有規范的，就是所謂的一樓一，如果一樓二，一樓三，就是犯法，一樓一就不犯法，這些已經是規范化，只不過是明修棧道，暗度陳倉而已。」

講到「規範化」，因為性商業（包括個人經營嘅一樓一）係一個「高危行業」，無論從業者本身及顧客嘅健康及人身安全，都隨時受到威脅。而一般冇乜危險嘅行業，好似糖水鋪呀、涼茶店呀、小食熟食店呀，政府為左市民大眾、顧客嘅健康著想，都會「立法」要求呢Ｄ店鋪搞好衛生、消防，仲會定期上門巡察，呢Ｄ先叫做「規範化」。

所以，好多將性商業活動「規範化」嘅國家，佢地就左保障行業員、消費者嘅健康，以及希望從業員能夠「病向錢中醫」，令到更多社會人士得益，佢地都會立法要求從業者做定業的身體檢查嘅。喺呢種「規範化」嘅制度下，咁消費者先可以「玩得開心、玩得放心」家嘛。之但係，香港政府有乜野「範規措施」，確保選擇「留港消費、刺激經濟」而唔去北上尋歡嘅港燦做消費者果陣嘅健康呢？答案係乜都冇。

再打個比喻。就「預先包裝食物的標籤制度」生效之前，自稱係「低糖」、「低脂」嘅食物，佢地都仲可以好似而家嘅一樓一性商業咁，光明正大咁做生意個喎，咁樣又代唔代表喺而家呢個食物標籤制度未生效嘅時候，香港已經對「低糖」、「低脂」嘅食物有左「規範」咁呢？而香港政府又點樣「規範」從事一樓一嘅性工作者嘅「衛生」及消費者嘅「安全」呢？

總結係，而家香港政府對一樓一呢個性商業活動，係採取放任不管、乜都唔理嘅做法。

＊＊＊＊

點解特區政府唔將妓女規範化，任由黑社會侵吞？

１）「穩定嘅『形象』重於一切」

香港警隊，對於被小平同志美化做「舞照跳」嘅「跳茶舞性地」油、尖、旺一帶，馬檻、色情指壓桑那、色情卡拉ＯＫ，就採取呢個「穩定嘅『形象』重於一切」嘅做法，只要班撈家依足遊戲規則去交足「第二份差餉」、定期交人俾班差佬交功課、升職，唔好搞到咁招積俾Ｄ街坊街里、區議員投訴，咁香港嘅差佬就會依小平伯伯嘅呼籲，唔去依法辦事，幫手確保香港嘅「舞照跳」、「雞照叫」嘅社會習慣五十年不變架喇。

２）「黑社會也有愛國嘅！」

乜野叫做「黑社會」？「黑社會」咪係果Ｄ專門違返法紀、破壞法治、損人利己嘅犯罪集團囉。乜野叫做「愛國」？按中共同埋傳統嘅中國君臣、國家觀念，君即是國、執政黨即是國，只要你係一個縱容君主、執政黨暴行，仲有定期「捐獻」同埋直接向官員個荷苞交稅嘅話，咁你咪係愛國份子囉。

愛國嘅人－－尤其是係果Ｄ用實際行動（直接交稅落代表國家嘅黨員嘅荷苞）去愛國嘅人－－你去斷佢財路？你唔想升官定係唔想做官呀？

2008-07-20 22:22:00 補充：
３）香港人迫唔到政府、差佬依法辦事

對於果Ｄ「道德高尚」嘅朋友，佢地未試過上街叫差佬洗「雞地」、「沙圈」咩？我細細個就已經見住油尖旺果邊街坊叫口號叫左廿幾年啦。我地今時今日行完呢個朗豪坊之後，得閒咪一樣可以三五知己去果頭度睇招牌、行唐樓囉。而香港地嘅「沙圈」仲好似Seven咁，廿四小時不停為你服務添。如果差佬聽市民話嘅話，「沙圈」就唔會咁熱鬧啦。（要知道香港地嘅性商業有幾熱鬧，睇下呢個問題就知喇http://hk.knowledge.yahoo.com/question/question?qid=7007012602270）

2008-07-20 22:22:51 補充：
不過，如果你有阿陳冠希同埋英皇咁有米、咁把炮，而又俾一兩間個別嘅「沙圈」老闆、員工得罪過嘅話，或者，你都可以叫Ｄ差佬做下野嘅。佢地捉「奇拿」都好似捉徐步高咁，「破天荒」咁派１９條差佬去做調查喎。如果你只係冇乜錢嘅普通人，咁就唔好玩咁多野喇。

2008-07-20 22:23:05 補充：
４）香港有言論自由、新聞自由、集會自由，呢樣野令到「具爭議性」嘅政策難以實施

畢竟，性商業呢家野，都係一樣「寧俾人知，莫俾人提」嘅行業，你睇到樓上果位知識庫將軍講野嘅語氣就知啦，香港人係幾咁歧視性商業呢家野。好似果Ｄ為窮苦大眾講野嘅議員都俾人地一頂頂陰謀論嘅帽子笠上頭度啦。為俾人歧視嘅人同行業爭取保障喎，好高風險架喎，分分鐘會俾人地歧視埋添。

性商業呢家野喺香港地嘅爭議性，仲犀厲過賭波合法化，如果將呢家野擺上台講，你話會有幾多人反對喇？有人反對，就會民望下跌喇。你話垃圾會果班議員，有邊個夠膽出黎講句公道話先？

2008-07-20 22:23:17 補充：
５）性商業合化法之後，冇現存嘅「具政治影響力」嘅利益集團得益

賭波合化法，仲有馬會可以撈到水喎，果Ｄ保皇黨同埋低能組別都會支持，但係，性商業合法化，有邊個「具政治影響力」嘅利益集團得益先？答案係冇。最多都係Ｄ醫生、化驗所、保險公司多左生意做，因為要做定險嘅身體檢查，同埋買第三者責任保險嘛。

再以呢個「活雞買賣」為例，因為活雞買賣、雞農佢地喺政府嘅影響力微乎其微，政府真係冇乜俾面佢地個喎。同樣，冇「具政治影響力」嘅利益集團幫手，呢個漠視民意嘅政府，點會主動將呢個咁具爭議性呢野擺上台去傾呀。由佢地「自由發展」，隻眼開隻眼閉咪算囉。多一事不如少一事，一動不如一靜，係咪？

2008-07-21 00:27:08 補充：
另外，講一Ｄ提外話。

而家香港嘅黑社會，已經冇乜幾可會去「正式會員」架喇。除左一Ｄ極少數嘅「正式會員」及為數唔會好多嘅「冇會籍」嘅「打工仔」之外，黑社會主要嘅人手來源，係由大耳窿轉介過黎嘅。

2008-07-21 00:27:13 補充：
而果Ｄ冇能力還款、冇信譽又冇腦嘅債仔（如果佢地有能力還錢、有信譽、有腦，就有好很多合法嘅財務公司借錢俾佢地啦，使乜借大耳窿先？）喺借左大耳窿錢而變得更加冇路好走嘅時候，黑社會就會為佢地提供好多「助人自助」（因為借左大耳窿而變得更加無助）、「助人解困」（因為借左大耳窿而變得更加窮困）嘅方法，為佢地介紹一Ｄ需要大量人手又「高風險、高回報、高收入、低技術」嘅工作，一黎可以增加「債仔」嘅收入來源，二黎可以增加債仔嘅還款能力，減少自己惹上官非的機會，可以話係「雙贏科案」呀。

2008-07-21 00:30:37 補充：
而呢Ｄ令到黑社會同埋債仔都「雙贏」嘅「高風險、高回報、高收入、低技術」嘅工作，當中當然包括「服務『性』行業」啦，而「馬伕」、「沙圈老闆」、「馬檻侍應」呢Ｄ咁嘅工作，亦都係喺黑社會業界好很渴市，長搵長有個喎。

而好很多債仔，轉左行去做黑社會介紹嘅「高風險、高回報、高收入、低技術」嘅工作之後，好多時都會喺還清條數之後，因為「高風險、高回報、高收入、低技術」嘅原故，而變得敬業樂業，唔捨得轉行喎。你話黑社會幾咁偉大呢。

2008-07-21 06:46:42 補充：
仲有，俾埋第６點出黎先：

６）香港警察鍾意選擇性執法
乜野係「選擇性執法」，如果大家唔係老人痴呆嘅話，陳冠希淫照事件，大家都應該記得好清楚啦。

選擇性執法，咪即「高效率」嘅表現囉。乜鬼野都理，乜鬼野罪案都理，咁咪投到Ｄ破案率低晒囉。

如果你有陳冠希同埋英皇咁有米、咁有勢力，你咪試下運用下你嘅影響力，叫警方阻止Ｄ黑社會侵吞性商業囉。

2008-09-19 12:45:27 補充：
吓?

發問呢條問題(各位是否贊成香港立法建立『紅燈區』？理由？ http://hk.knowledge.yahoo.com/question/question?qid=7008090300178)果條友你喺「知識評價」果度話: 小弟會去信立法會要求立法建立『紅燈區』！

唔知呢條友仔係咪口行行, 貪口爽架？定係隨口噏當秘訯呢?

喂喂喂, 如果呢條友仔真係寫信去香港垃圾會要求立法建立紅燈區嘅話, 真係唔該呢位大佬將個COPY EMAIL俾我, 我一定會簽名, 黎個一人一信喎.

2008-09-19 12:45:44 補充：
不過, 與其寄去垃圾會, 不如寄俾有「黑社會」好朋友, 代表香港人肉黑市市場重鎮嘅垃圾會「九西」議員黃毓民啦.

我當時都有「全家總動員, 去支持社民聯」架.