我隻倉鼠不停地把木康放落間屋,點解?

鼠鼠喜歡自己做窩,亦好喜歡收埋食物,所以呢d都係正常既行為,不過不停飲水就要留意了,不過如果同一籠有第隻鼠,又或有受驚既問題,鼠鼠都好易因不安而不斷重覆去做一樣野而咁既行為並唔可以話佢已懷孕,但當然,你有一男一女放埋一齊,隨時都有懷孕既可能

A.倉鼠懷孕係好難用肉眼去睇到,因為懷孕期短,熊仔鼠大約15-16天,細隻既鼠大約19-22天,而且倉鼠係會出現假懷孕既,連獸醫都有機會會驗錯
懷孕既特徵有以下幾點,但的確唔易肯定:
1)鼠媽媽個肚會忽然大左少少,但食得太多野都會肥.
2)乳頭會較為明顯.
3)心情煩躁,但兩隻鼠一齊,好多時會有打交既情況,所以冇bb都會咁,所以難分

如果你懷疑佢懷孕,要留意既事可參考以下我回答既知識:
http://hk.knowledge.yahoo.com/question?qid=7008050502235

其實鼠鼠最好分籠,繁殖鼠鼠會有好多問題,希望你可以考慮下唔好繁殖鼠鼠,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

B.不停飲水唔知即係飲左幾多水呢?鼠鼠每日飲水既份量大約係鼠鼠重量既10%,熱就會再飲多少少
鼠鼠既尿有冇異常既情況?尿既時候有冇困難?如果係腎有問題,會有以上既異常
如果睇返隻鼠既重量,發現鼠鼠係飲水多好多既話,就要小心,同時睇返鼠鼠會唔會好多排泄物同個身唔定,震下震下,身體較凍,因為有可能會係有糖尿病

留意會唔會係以下既問題令鼠鼠不停飲水:
1)水樽出水問題
檢查水樽會唔會漏水or出水太快,睇下d水會唔會唔係飲左而係漏左去
測試水樽出水有冇問題,最好就係將水樽好似放左入籠咁垂直放,用手指尖輕輕托下,咁就會較接近鼠鼠飲水既情況,我次次換水都會咁試既

如果水樽冇問題,同時要留意返係咪次次入水都係入滿晒,因為滿晒先冇咁易漏水

2)食用問題
留意返鼠鼠食既野會唔會好咸or味較重既食物,食左呢d野都有機會令鼠鼠大量飲水

3)身體問題
留意返鼠鼠身體及排泄物會唔會有異常,肚瀉便秘等都會飲多D水,同時睇返鼠鼠會唔會成日訓,食野份量有冇少到,鼠鼠有病徵or有異常,就盡快處理

如果係腎有問題,又或係糖尿,當然需要睇醫生先幫到鼠鼠,而且都需要經醫生檢查去確診,如果唔睇醫生or未咁快去到既話,可留意以下既問題:
1)可以用驗人糖尿病既試紙去check下鼠鼠既尿
2)如果有or懷疑係糖尿病,帶鼠鼠去睇醫生既話,就要帶埋鼠鼠既尿去
3)戒零食,只俾鼠糧及草,不過唔好食一d水果糧,水果糧既糖份會較多,如果已肯定到係糖尿,可以俾d熟蛋白佢食;戒口順便可睇下仲有冇大量飲水既情況,有d糖尿病既鼠一日飲成1,2支水
4)保持周圍既環境衛生
5)唔好俾風直接吹到鼠鼠,要鼠鼠保持溫暖,真係好熱既時候,可用風扇遠遠地吹
6)睇醫生既話可考慮出名既鼠醫生:
大圍珍禽異獸及寵物醫院 DR.TIGER/DR.LAM
Tel: 2687 1030地址:大圍積信街75號地下
http://www.taiwaiexotic.com/
基本診金$290,藥及手術另計

我都有經驗...但係佢唔一定生bb,要吱佢個肚有冇大.倉鼠佢只不過想SLEEP好D姐,佢有可能佢大咗肚...如果佢有咗,你可以俾D CAROT佢OREGG黄^^得+!

倉鼠是恆温哺乳類動物，因為倉鼠的體積很小，所以表面面積／體積比例相對於一般恆温哺乳類動物就很大，身體表面因體温流失所需的熱量相對於其體積就很大，因恆温動物要保持體温一般在室温之上。一般小型恆温動物（哺乳類及鳥類）因要保持體温而需要每天要進食大約其體重之十分之一重量的食物來填補體温流失所需的熱量。所以牠看來要不停食嘢。喝多少就只是因應牠的需要。

倉鼠的本能是會把穀類食物放入牠的臉頰，不吃進肚子，然後進入牠的住處把牠的臉頰內的食物擠出放在牠的居所內作貯存貯備之用。
你的倉鼠不停地把木糠放落間屋，是要為牠的居所作保温材料。這也可能是為牠的居所作庇護掩飾的作用，屬倉鼠的本能。

可能他有了bb..你看看他的肚子是否比平時big^^