一般寫字樓清潔的工作範圍

點解有時會見到做2~3個鐘會係40~50蚊一個鐘，有D就月薪計 一個星期5~6日 人工就會低D 。其實係兩種唔同的聘用方式，因為好多寫字樓好細，做半個鐘都做完，大寫字樓都係個1個鐘左右，所以會找做兼職的清潔工，佢地會在同一座商廈接10個8個寫字樓來做。至於薪金，多以月薪計，因為很難計到時間，佢地都會寧願用月薪計，手快快做多兩間寫字樓。但係好難有40-50蚊一個鐘，兼職文員都冇咁高人工。至於d好大的寫字樓，佢地好大機會請個全職清潔工，如果是長工形式，會享有一般職員的福利，例如病假，強積金等。另一種月薪聘用是清潔公司，佢地會請一班清潔工，有月薪，時薪，合約等不同聘用形式，然後分派佢地去不同的字樓工作。
一般寫字樓清潔範圍︰兼職形式︰吸塵，抺枱，抺電腦，倒拉圾，清理碎紙機，每月抺一次文件櫃，洗冷氣隔塵網（窗口式及分體式）。全職形式（即全日在同一間公司內工作）︰除上述外，亦會洗杯，煲水，沖咖啡及茶，去超級市場買茶包及乾糧等，洗雪櫃，抺電話，有時幫手出下街送文件，寄信，去銀行入數，影印文件，幫手執下文具，版房等。
由於全職月薪受勞工法例保障，僱主要比強積金，大假，勞工假等福利，所以人工會低一點，但計埋上述的福利，其實差唔多。